Dili– Vise Prezidente Klubu Mauputar Fc Elnicholay Delima Amaral, hatete sira iha esperansa boot ba Mushila Fc karik Mushila bele hatudu jogu ho kompetetivu hodi bele manan ou minimu empata kontra Ramelau Fc.
Mauputar Fc ho Ramelau Fc dadaun ne’e iha ona pontus hanesan maibe Ramelau Fc mak lidera provizoriu tabela klasifikasaun Liga Futsal Timor Leste priemeira divizaun Ramelau Fc lidera ho produtividade golu.
To’o iha jornada da-8 ne’e ekipa rua seidauk simu derota ekipa rua konsege manan hotu hosi jogu dala 7 no empata dala ida.
Iha jogu jornada da-9 ka jogu jornada ne’ebe mak nuudar determinasaun ba ekipa se loos mak atu sa’i kampeaun.
Iha jogu ikus ne’e Mauputar Fc sei frekuenta ekipa reprezentante hosi Munispiu Baucau Gamer Fc iha loron 26 Fulan Novembro 2023. Iha kampu futsal F-FDTL fatuhada Dili Domingu semana ne’e.
Iha tempu ne’ebe hanesan Ramelau Fc mos sei hala’o nia jogu ikus kontra Mushila Fc iha kampu futsal Nerio Manleuana Dili.
Iha intervista ho vise Prezidente klubu Mauputar Fc, Elnicholay Delima Amaral konfirma katak, Preparasaun ekipa Mauputar atu hasoru jogu ikus ida hnesan bai-bain, teknikamente sira hala’o treinu tatika, prepara fisiku hodi bele hala’o jogu full attack durante 40 minutu uniku dalan ba Kampeaun mak tenke jogu ho full attack hodi oinsa duni productividade golu.
“Tanba ami defisit golu kiik liu hsoru Ramelau maibe komu ida ne’e mak jogu, iha parte ida ami mos labele underestimate Gamer Fc tanba sira mos ekipa diak, iha mentalidade kompetitivu ne’ebe diak mos ne’ebe ita hein resultado ikus oinsa?”
“Futebol la ejiste liafuan maibe optimista klaru que ami optimista hetan pontus 3 e iha parte seluk ho esperansa boot mushila bele manan ou minimal empata ho Ramelau” dehan Vise Prezidente Mushila Fc Elnicholay Delima Amaral ba JHD via whatsapp Sabadu (25/11).
“Ami mos tau Esperansa boot ba Mushila Fc karik Mushila bele iha jogu diak hasoru Ramelau dalaruma bele akontese buat ne’ebe ke ita la espera ne’ebe ba ami Mauputar ami nafatin esforsu no seidauk rende ba situasaun ne’ebe iha so minutu ikus mak foin determina” Nia hatutan nakonu ho esperansa.
Dadaun ne’e Ramelau Fc lidera iha tabela klasifikasaun provizoriu liu ho produtividade golu hamutuk 6 ba Mauputar Fc ne’ebe mak iha pozisaun daruak ho pontus ne’ebe mak hanesan 22.
JHD
