DILI- Confederacao Desporto Timor-Leste (CDTL) sigla portuges aprezenta estrutura foun ba Periodu 2022-2026 no programa ba Sekretariu Estadu Juventude (Desportu) SEJD Sira Iha tinan 2022 Liu husi sorumutu mak akontese iha edifisiu SEJD.
Sorumutu ida ne’e hanesan atividade kontinuidade husi Kongresu CDTL nian iha tinan kotuk ne’ebé konsege hetan lideransa foun, Sr Macario F Sanches, nune’e ohin loron aprezenta estrutura no pragma ba Sekretariu Estadu Joventude Desportu.
“Ohin Ami enkontru ho SEJD atu aprezenta estrutura CDTL foun ho Nia programa saida Mak Ami halo iha tinan ne’e no Ami prepara programa ne’e, iha prisnsipiu hakarak reforsa CDTL ba federasaun aira atu nune’e iha kbiit bele prepara administrasaun ne’ebe modernizada ba konfederasaun no federasaun sira para bele atende ba membru sira no atleta Sira” Prezidente CDTL Macario F Sanches ba jornalista Sira iha edifisiu SEJD, Lecidere, Dili tersa (18/01).
Iha Fatin hanesan Sekretariu Estadu Juventude Desportu Abrao N. Saldanha hatutan, objektivu husi enkontru ne’e Mak simu audensia husi estrutura foun CDTL nian depois sira halo ona Nia asembleia no planu ne’ebe hakarak Realiza iha Ida ne’e.
“Ami enkontru ho CDTL Mak Ami simu audensia husi estrutura foun CDTL nian, hafoin sira-nia asembleia no Sira Mai aprezenta planu ne’ebe hakarak halo iha tinan Ida ne’e”, Nia hatete
Enkontru refere akontese ho objetivu atu parte governu liuhosi SEJD no Organizasaun desportu liuhosi CDTL hodi diskute kualker planu ne’ebé sei halao iha tinan ida ne’e.
Abrao informa, “governu mos iha ona planu ba tinan Ida ne’e, atu reforsa organizasaun desportu sira Liuhusi CDTL, diskute no korkoda malu ona ba pontu balun ne’ebe tenki serbisu ho tarjetu saida Mak bele rezolve kada trimestre no semestre no rezultadu saida mak hetan iha durante iha tinan ida Nia laran”.
Rep: ADS
