DILI-Ekipa S’Amuser FC derrota jogu kontra AD SLB Laulara iha Super Tasa epoka 2022 tanba falla iha finalizasaun hodi hatama golu ne’ebe hetan penalidade iha jogu.
Iha jogu super taça 2021, AD SLB konsege sai kampeaun hafoin manan S’Amuser liuhois drama penalidade. Iha jogu normal S’Amuser lakonsege komverte opurtunidade lubuk, ida husi penalidade atu bele sai golu.
“Iha jogu ohin ne’e ami iha formasaun ne’ebe halo atake nian maibe ami falla oituan iha lina defeza nian tanba AD SLB Laulara halo presaun makas, vantajen ami iha mak hetan penalidade iha jogu no suta kona rin baliza nian no mos iha oportunidade barak seluk, treinador S’Amuser FC Olisio dos Santos ba jornalista sira iha Stadium municipal Dili, Sabadu (29/01).
Jogu refere, tenki termina ho drama penalidade, tanbá ida la konsege manan iha tempu normal. Iha ne’ebé S’Amuser nia jogadora la konsege ezekuta ho diak, nune’e AD SLB konsege sai vitoria.
“nu’udar treinador, hanorin hau-nia jogadora para halo finalizasaun maibe ne’e konforme jogadora ida-idak nia karakter, tanba konforme ba sira-nia tempu no finalizasaun, tanba sira iha sorte no tempu diak sira bele finaliza hodi hatama golu, maibe dalaruma finalizasaun ladiak sira labele halo golu”, Nia hatutan
Iha fatin hanesan, AD SLB liuhosi sira-nia trinador Jopi Fernandes hateten rekoñese hasoru ekipa adversariu forte ne’ebé dudu malun hakat liu oras normal.
“ohin hau-nia jogadora sira esforsu aan duni, maibe konsege empata iha jogu minutu 90 nian to’o ikus mosu penalidade ami sai kampiaun duni ba super Tasa, hau nia jogadora sira hatudu jogu sufisiente tamba ekipa aniversariu mos forte ne’ebe ohin hau nia jogadora sira hatudu rezultadu pozitivu maski ami falla oituan iha lina defeza no avansadu” Jopi Fernandes hateten
Iha jogu refere S’Amuser FC hetan derrota kontra AD SLB Laulara husi penalidade ho skore 5-3 tanba sira joga empate iha minute 90 nia laran no jogu ne’e rasik ohin realiza iha Stadium municipal Dili.
ADS
