Dili-14/11/2021, Jogu ne’ebé akontese entre klubu Maranatha Fc vs Ad Slb Laulara Iha primeira jogu klubu rua halo atake ba malu makas, ho ne’e iha oportunidade primeiru hetan uluk bola husi klubu Slb Laulara Jogador Vanesa Vernandes númeru kamizola 17 hetan bola lori halai ba rede Maranatha no Rezulta golu iha Minutu 29 skor 0-1.
Ho skor ne’e motiva liu klubu Ad Slb Laulara hodi domina kampu, hadau bola bebeik hosi Maranatha Fc maibé fallansu iha Estratejia jogador Slb Laulara tanba jogador ida-idak mai ho nia hanoin rasik, hakilar malu entre jogador, hamenus unidade, hosi ne’e halo sira menus konsentrasaun no estraga beibeik bola.
Husi ne’e maske SLb Laulara esforsu makas hakarak aumenta skor antes primeira jogu remata maibé la fó rezultadu Pozitivu ba sira nia esforsu ne’e tanba Maranatha Fc la lakon Espirito nafatin kontrola bola ho di’ak tebes, to jogu primeira parte remata nafatin ho skor 0-1.
Iha Segundo jogu, molok atu joga Klubu Slb Laulara ho inisiativa halo Substituisaun ba nia jogador troka númeru kamizola 8 hatama fali númeru kamizola 10. Nune’e haree ba jogu parte Segundo Klubu Slb Laulara hetan oportunidade di’ak tebes atu aumenta skor maibé jogador Númeru kamizola 28 suta bola ho maneira ne’ebé neineik halo guarda rede Fasil atu kaer bola.
Ho presaun hirak ne’e halo klubu Maranatha halo substituisaun ba nia jogador troka Númeru kamizola 11 hatama fali númeru kamizola 15, Nune’e reorganiza hikas fali ritmu jogu halo atake ba iha Slb Laulara, to hetan dudu husi slb Laulara halo bola falta nune’e, jogador husi Maranatha numero kamizola 6 hetan oportunidade hodi suta bola maibé la konsege marka golu tanba salva husi guarda rede.
Jogu Kontinua la’o, la lakon espiritu klubu rua ne’e nafatin iha vontade hodi atake malu ikus mai Klubu Slb Laulara lansa presaun makas ba Maranatha fc atu aumenta Score maibé la konsege tanba jogadores failha bebeik iha parte avansado. Ho nee fo benifisiu ne’ebé di’ak tebes ba klubu Maranatha hodi hatama golu husi jogador Novenia de Jesus númeru 2 iha minutu 90 hodi muda score 1-1.Nune too jogu remata ho entre klubu rua ne’e empata ho score 1-1.
Tuir Avansado Maranata Fc, Ajia Isabel hateten, “Nia sente kontente tebes ba jogu loron ida ohin tanba iha jogu Segundo parte esforsu ne’ebé sira iha halo score 1-1 ka impata no nia hatutan katak ba oin sira esforsu an treinu di’ak liu tan atu bele menan hasoru klubu tuir mai tanba lakoi impata tan ho klubu sira seluk“.
Reportajen: Putri
