Díli, 16/11/2021, Federasaun Futebol Timor – Leste halo abertura ba Taça Rosa “Muki” Bonaparte epoka 2021 iha kampo Demokrasia Díli. Iha ne’ebé, Taxa ida ne’e sei fo espasu ba Klube Futeból Femenino ne’ebé Melhor iha Primeira no Segunda divizaun Liga Timorense de Futebol Femenino.
Taça Rosa “Muki” Bonaparte primeira vez akontese iha loron 16 – 20 dezembru 2020, ne’ebé apresenta jogu entre klube 4, Buibere Fc, Maranatha Fc, S’Amuser no AD. SLB, ne’ebé okupa primeiru lugar to’o quartu lugar iha Liga Futebol Feto Timor – Leste 2020. Nune’e, ikus mai Buibere Fc mak klube dahuluk ne’ebé sai kampeaun ba Taça refere.
Enkuantu, iha tinan ida ne’e sei partisipa husi klube 8, iha ne’ebé klube 5, Buibere Fc, S’amuser Fc, AD. S. L. B., Maranatha Fc no Academica Fc ne’ebé mai husi primeira divizaun no klube 3 mai husi Segundo divizaun mak Ass. Baucau, Maudoko Fc no VDL Fc ne’ebé okupa primeiru lugar to’o terseiru lugar segunda divizaun Liga Timorense de Futebol Femenino. Jogu sei hahu loron 16 novembru – 15 dezembru 2021.
Taça refere sei lao ho faze tolu, faze bota fora, Semi final no final. Faze bota fora mak faze ne’ebé tais klube 4 husi klube 8 hodi avansa ba faze tuir mai, enkuantu ba faze semi final mak faze ne’ebé sei determina klube rua ne’ebé manan avansa ba konkista primeiru no segundu lugar no rua seluk sei konkista terseiru no quartu lugar iha faze final.
Reportajen: JHD media
