DILI-Federasaun Futebol Timor-Leste (FFTL) realiza Grassroots Festival hodi fo Oportunidade ba jogador U-14 festeja Sira nia talentu iha kampu FFTL epoka 2021.
“Objetivu husi festival ne’e atu fo tempu ba jogador U-14 Sira atu festeja sira-nia talentu joga ne’ebe durante sira hetan iha treinu husi treinador sira iha sentru Juvenil federasaun nian para kapasita hodi mellora labarik Sira Nia talentu iha jogu Diak Liu tan”, Vice koordenador Grassroots Festival Lorenco Baptista Guterres ba JHD iha nia knaar Fatin, Bairro Formosa, Dili segunda (13/12).
festival ida ne’e sei partisipa husi jogador Juvenil ho idade 10-14 ne’ebe durante ne’e treina hela iha sentru Juvenil FFTL nian. Enkuantu, tanba kestaun tempu entaun la konsege organiza mos jogador kiik-oan Sira husi sentru Juvenil iha Munisipiu.
“jogador sira ne’ebe partisipa mak jogador ho idade 10-14 hanaran U-14 ne’ebe Mak durante rejistradu iha sentru Juvenil federasaun nian maibe tuir lolos konvida hotu sentru Juvenil sira iha Munisipiu maibe tanba tempu limitadu, entuan la konsege“, nia hateten.
Jogador sira ne’e sei klasifika ba klube 10, ne’ebe kompletu husi jogador nain-15 ne’ebe selesiona husi Treinador Sira ne’ebe durante ne’e akompanha Sira iha sentru Juvenil.
Fstival ne’e organija husi FFTL no hetan Apoiu husi midia Joventude Hadomi Desportu (JHD).
“atividade refere halao ho orasamentu montante $5.000 USD husi FFTL nomos JHD kontribui banner no ID Card” Nia sublinha.
tuir planu FFTL sei realija festival ne’e ba kada trimestral iha tinan ida, no organiza mos jogador sira husi sentru Juvenil husi Munisipiu
Rep.: ADS
