DILI- Governu liu husi Sekretáriu Estadu Joventude no Desportu SEJD) apoiu orsamentu 18.000 Dólar Amerikanu ba Federasaun Boxe Amadora Timor-Leste (FBATL),realiza Kampionatu Nasional hodi halo selesaun ba boksista sira hodi reprezenta Timor-Leste atu partisipa iha eventu internasional tinan oin.
“Kampionatu Nasionál ida ne’e ami halo hodi halo selesaun ba boksista ne’ebe hatudu jogu di’ak sei halibur sira hodi halo selesaun fila fali hodi haree ne’ebe di’ak partisipa Sea Games iha tinan oin ho kriteria iha mentalidade di’ak tanba ami iha ekipa hodi haree sira depois kampionatu remata”. Prezidente FBATL Abrão F. Dias Quintas ba jornalista sira iha fatin Kampionatu Nasional resintu edifisiu SEJD, Lecidere, Dili kuarta (15/12).
Abrao dehan, “durante jogu sira haree boksista balu husi klase Ida, joga ho di’ak no sira sei halibur boksista sira ne’e hodi halo selesaun fila fali hodi haree sira nia mentalidade no kapasidade iha treinu”.
Iha fatin hanesan, Sekretariu Estadu Juventude Desportu Abrao Saldanha fó, parabens ba federasaun Boxe Amadora bele Realiza kampionatu nasional Ida ne’e mesmu iha difikuldade oin-oin maibe sira konsege realiza duni.
Membru Governu ne’e hatete, “kampionatu nasional Ida ne’e importante tebes tanba iha selesaun ba amodor boksista sira atu nune’e prepara sira reprezenta Timor-Leste iha eventu sira tuir mai tanba federasaun halo selesaun tenki iha realiza kampionatu nasional Ida”.
“Boxing Ita apoiu ho 18,000 USD restu sira nia esforsu rasik buka fundu konforme sira nia nesesidade, tinan oin sei iha kampionatu nasional no mos multi-event sira, liu kampionatu nasional sira bele halo selesaun ba atleta sira ne’ebe mak di’ak partisipa Asian Games iha tinan oin no orsamentu ba kampionatu sira iha tinan oin preparadu ona“. Haktuir Govenante ne’e
Rep.: ADS
