DILI- tanba hakarak sai husi zona mean la hamate esforsu DIT FC rekolla pontu tolu kontra Aitana FC iha jogu divizaun dahuluk Liga Futebol Timor-Leste (LFTL) i iha Stadium Munisipal Dili, Sesta (17/12).
“Jogu aban, ami sei esforsu makaas hodi manan Aitana FC atu asegura ami nia ekipa sai Husi zona mean ne’e mak mehi ne’ebe ami iha ba jogu Aban kontra Aitana FC”, treinador DIT FC Alexandre Cham ba jornalista Sira iha sala konferensia LFTL, Bairro Formosa, Dili Quinta (16/12).
Treinador hatutan, “Agora adeptu Sira hotu hatene Sira okupa iha lina mean iha tabela klasifikasaun divizaun dahuluk LFTL ba jogu Aban asegura sira nia ekipa sei esforsu manan Aitana FC hodi bele sai husi zona mean”.
Maske sira la iha estratejia espesial ba jogu Aban sei joga nafatin ho jogador sira ne’ebé iha maibe sei hadia estratejia balun no Optimista sei rekolla pontus tolu mak mehi ba jogu aban hasoru Aitana FC.
Enteretantu Aitana Fc abandona tia konferensia hodi la marka prezensa iha konferensia ne’e.
Dadaun Dit Fc iha zona mean ho pontus mamuk alias (0) husi joga dala 4 nunka hetan vitória no derota hotu.
No Aitana Fc okupa iha pozisaun da-neen ho pontus haat (4) husi joga dala haat (4) manán dala ida (1) empata dala ida (1) no derota dala rua (2).
Rep.: ADS
