DILI- Federasaun Futebol Timor-Leste (FFTL) liu komisaun organizador Taça Rosa Muki Bonaparte adia jogu final epoka 2021 entre AD SLB Laulara kontra S’Amuser FC ba Fulan Janeiru tinan 2022 tanba Taça ka piala ne’e produs iha Rai liur no to’o agora seidauk mai Timor-Leste.
“Ami Adia jogu final Taça Rosa Muki Bonaparte epoka 2021 entre S’Amuser FC kontra AD SLB Laulara Adia ba Fulan oin iha loron 8 Fulan janeiru 2021 razaun tanba piala ka Taça ba Taça Rosa Muki Bonaparte oras ne’e seidauk to’o mai Timor-Leste” Diretor Kompetisaun FFTL, Gelasio da Silva ba Media JHD iha nia knaar Fatin, Bairro Formosa, Dili sesta (17/12).
Gelasio explika, “piala ne’e produz iha Malaysia tanba kauza husi pandemia COVID-19 no virus variante foun ne’ebé makaas los iha Malaysia no Singapura entaun Taça seidauk haruka mai tanba servisu iha ne’ebá taka loke”,
Enkuantu kona ba adia jogu final ne’e Federasaun ho Komisaun Organizador foti inisiativa tuur hamutuk ho ofisial klube rua ne’ebe kontra malu iha jogu final aseita ona hodi adia ba Fulan oin loron sabadu, 8 Fulan janeiru 2022.
Tuir orariu federasaun, karik Taça ne’e mak oras ne’e to’o ona iha Timor jogu final sei realiza iha loron domingu, 19 Fulan Dezembru 2021.
Rep.: ADS
