DILI-Klube Lalenok United FC sei mantein nafatin istoria kontra AD SLB Laulara iha Divizaun Dahuluk Liga Futebol Timor-Leste ( LFTL) jornada da-neen ne’ebé mak sei hala’o iha loron sabadu (18/12).
“jogu hasoru AD SLB Laulara, sira seidauk manan ami ne’ebe sira lakon ho empata hasoru ami iha jogu dalabarak ona, Ida ne’e hanesan istoria di’ak mai ami atu nafatin asegura para AD SLB Labele manan ami”, treinador Lalenok United FC Gaspar Amaral ba jornalista Sira iha sala konferensia LFTL, Bairro Formosa, Dili sesta (17/12).
Gaspar hatutan, “ekipa sempre preparadu ba ekipa ne’ebe de’it hasoru sira liu-liu AD SLB Laulara maibe optimista rekolla pontu tolu iha jogu aban maske AD SLB Laulara ekipa ne’ebe forte no difisil ba sira no sei halo terus no susar iha kampu laran, jogu aban sira preparadu di’ak tanba sira nia jogador ne’ebé lori selesaun nasional reprezenta Timor-Leste ba joga iha rai liur mos horseik to’o mai ona sei haforsa ekipa ne’e hodi hasoru adversariu.
Enteretantu dadaun ne’e Lalenok United Fc okupa iha kuartu (4) klasifikasaun provizoriu LFTL Primeira divizaun ho pontus 7 husi joga dala 4 manán dala rua (2) empata dala ida (1) no derota dala ida (1).
Enkuantu AD SLB okupa iha terseiru klasifikasaun provizoriu LFTL Primeira divizaun ho pontus 7 husi joga dala 5 manán dala ida (1) no empata dala haat (4)
Rep.: ADS
