Dili – atu hametin Unidade entre estudante husi eskola Katolika iha Dili laran maka grupu Caparinha husi Colegio Paulo VI organiza Jogu futsal ho naran Caparinha Cup iha Campo F-FDTL Fatuhada.
“Objetivu harí jogu ne’e atu kria amizade ho relasaun di’ak nafatin entre eskola Katólika sira iha Dili laran.Tenik”, Prsidente komisaun organizadora Don Savio da Silva.
“Jogu ne’e ami prepara antes ona fulan kotuk liu ba,tuir lolos ne’e ami realiza iha 30 de Agusto maibé tan situasaun Covid-19 ne’e mak halo ami failansu tiha hotu iha preparasaun ne’e, entaun foin mak realiza iha fulan ne’e“.
Nia haktuir katak, “Jogu agora ne’e partisipa husi eskola Katólika ne’ebé iha Dili laran hamutuk 6 no fahe b ekipa ou team 16 iha jogu ne’e maioria husi eskola Katólika Colégio Paulos VI tanba ida ne’e Paulos mak halo”, dehan Presidente komisaun organizadora.
Iha fatin hanesan hatutan tan husi Vice Presidente Antigus alunos Colégio Paulos VI, Junior de Jesus Baros; “Jogu ida ne’e jogu amizade kria relasaun di’ak nafatin entre eskola Katólika sira, no liu husi jogu ne’e hanesan mós atu eduka joven sira”.
“Doque joven barak gosta kria problema entaun ami iha Inisiativu ida halibur sira hotu liu husi jogu ne’e ita bele haree malu di’ak liu tan hanesan Timoroan“.Dehan,Vice presidente antigos alunos Colégio Paulos VI.
Nia informa, “fo suportasaun ba jogu ne’e ami hetan suporta husi kolega barak, individu no kompania balun mós fo ne’ebé ami agradese nafatin ba kolega sira ne’ebé mak suporta ami hodi harí jogu futsal ne’e”.
Ekipa nebe abertura jogu Caparinha Cup ne’e maka Caparinha Fc 2014 ho CPS Sixteen Fc, iha jogu abertura ne’e Ekipa rua hasoru malu empata ho score 4-4.
Rep. Lidia
