Dili – Lalenok United Fc hatutan nafatin sira nia istória kontra nia rival eternu AD SLB hafoin manán tan AD SLB ho score 3-1 iha jogu kontinuasaun Liga Futebool Timor-Leste (LFTL) jornada da-nee’n ne’ebé mak hala’o iha Estadion Munisipal Dili sabadu (18/12)
Iha inisiu jogu ekipa AD SLB hahú jogu ho domina bola liu husi tiki-taka ain ba ain iha linha klaran hodi halo atake ba Lalenok United Fc.
Lalenok United Fc halo AD SLB hakfodak iha minutu 2 hafoin Daniel Adade susesu fura rede AD SLB ne’ebé mak hein husi Filonito Nogueira.
Eis jogador Assalam Fc ne’e marka golu hafoin simu assistensia husi nia kompaaineru Paulo Gali Freitas iha area perigozu SLB nian ho núne’e muda score ba 1-0.
Tama ba iha minutu 14 Daniel Adade sai tan mehi aat ba klubu istimadu ho naran Makikit Laulara ne’e hafoin Soares Pementel susesu hatudu nia asaun hodi pasa bola ba Adade ne’ebé mak hamrik livre husi ho nune’e Adade aproveita hodi halo tan golu ba segundu nia hodi muda aumenta score ba 2-0.
La para de’it ho ida ekipa rua ne’e mantein lansa no kontra atake ba malu maibé la iha tan golu ruma mak akontese to’o termina jogu primeira parte score mantein 2-0.
Kontinua ba jogu segunda parte AD SLB troka kedas nia jogador Natalino da Costa sai no hatama fali jhon Frith no Cornelis Portela tama no Tonito Belo sai hodi halo mudansa ba tatika.
Ho mudansa ne’ebé SLB halo ne’e. Halo jogu kontinua manas liu tan liu husi kontra no taka ba malu ho nune’e tama ba iha minutu 55 Aldo Amaral susesu fura rede Lalenok United Fc ne’ebé mak hein husi Fagio Pereira hodi hamihis score ba 2-1.
Futebolista ho númeru kamizola 27 ne’e marka golu hafoin aproveita ho ho bola baruilu iha rede Lalenok United Fc nia oin.
Tama ba iha minutu 59 Lalenok United Fc hetan oportunidade hodi marka aumenta tan golu liu husi jogador defensivu Lalenok United Fc Pedro Vicente maibé kabesda husi Pedro nian ne’e sei bele antisipa husi guarda rede Filonito Nogueira.
No tama ba iha minutu 61 AD SLB mak halo hikas ameasa ba Lalenok United Fc liu husi jogador Mouzinho de Lima maibé sei bele antisipa husi guarda rede ho núne’e la rezulta golu.
Tama ba iha minutu 68 Paulo Gali Freitas konsge hatudu nia asaun hodi ultrapasa ba linha defensivu husi AD SLB hafoin suta maibé sei bele antisipa husi guarda rede AD SLB.
Elias Mesquita iha minutu 75 remata tan dala ida maibé seidauk kona iha tarjetu
Tama ba iha minutu minutu 77 Rofino Gama koko ultrapasa ba defende SLB hodi suta maibé sei bele antisipa husi guarda rede Filonito Nogueira nune’e la rezulta golu.
Tama ba iha minutu 89 eis jogador AD SLB Paulo Agali Freitas hahú hatudu nia asaun husi Centru hodi kedok tama to’o area perigozu AD SLB hafoin marka golu hodi haboot liu tan score ba 3-1. Ho golu ne’e la iha tan golu ruma mak akontese to’o termina jogu segunda parte vitória ba Lalenok United Fcho score 3-1.
Husi rezultadu vitória ne’e lori ekipa Lalenok United Fc okupa iha Segundu klasifikasaun provizoriu LFTL primeira divizaun ho pontus 10 husi joga dala lima (5) manán dala tolu (3) empata dala ida (1) no derota dala ida (1)
Enkuantu AD SLB mantein tuur iha 4 klasifikasaun ho pontus 7 husi joga dala 6 ona no manán dala ida (1) empata dala haat (4) no derota dala ida (1).
Lalenok United Fc : Fagio Pereira, Francisco da Costa, Gumario Moreira, Hermino de Sousa, Paulo Gali Freitas, Daniel Adade, Italo Soares Pementel, Rufino Gama, Elias Mesquita, Abrao Mendonca, Pedro Vicente.
AD SLB : Filonito Nogueira, Filipe Oliveira, Tonito Belo, Natalino da Costa, Fernando de Carvailho, Aldo Amaral, Jerimias Baptista, Mouzinho de Lima, Jenivio Mota, Cristovao Fernandes, Filomenio Junior.
Rep.: CharllY
