DILI- Treinador Assalam Fc Adu Namiruru Optimista 100% sei manán Aitana Fc iha jornada ikus Liga Futebool Timor-Leste (LFTL) Primeira Divizaun epoka 2021.
“Aban hasoru Aitana FC jogu ikus ba Ami depois joga ikus deside ami nia pozisaun nafatin iha divizaun dahuluk, se ami lakon ba fali zona degradasaun tanba DIT FC ho pontu tolu sei iha jogu Ida hasoru Lalenok United Fc ne’ebe sei ameasa tebes ba ami nia pozisaun iha tabela klasifikasaun”, treinador Assalam FC Adu Marques ba jornalista sira iha sala konferensia LFTL, Bairro Formosa, Dili segunda (21/12).
Treinador Assalam FC hatutan, “jogu Aban ne’e la iha opsaun tenki manan para hetan pontu tolu hamutuk ho pontu lima husi jogu 5 manan ida ho empate rua no lakon 2 sai pontu 8 bele muda pozisaun iha tabela klasifikasaun divizaun dahuluk LFTL epoka 2021, estratejia sei hatun full team la iha tan Koko jogador no garante sei manan Aitana FC pursentu atus Ida tanba jogu ikus ba Assalam FC deside mantein nafatin iha divizaun dahuluk ka tun ba divizaun daruak, se empate nafatin iha divizaun dahuluk”.
Iha Fatin hanesan treinador Aitana FC Octavio da Costa hatete, “jogu Aban hasoru Assalam Fc sira preparadu, dala Ida tan jogu final tanba jogu ikus ba sira hodi deside sira Nia pozisaun iha tabela klasifikasaun divizaun dahuluk epoka 2021 ne’ebe iha prinsipiu oinsa esforsu an no garante sei manan Assalam FC hodi hetan pontu tolu mantein iha divizaun dahuluk LFTL”.
Rep.: ADS
