Dili – Governu liu husi Sekretáriu Estadu Joventude no Desportu (SEJD) hamutuk ho Federsaun Futebool Timor-Leste (FFTL) no Liga Futebool Timor-Leste (LFTL) iha komitmentu nafatin atu realiza Liga iha tinan 2022.
“Governu iha komitmentu nafatin hamutuk ho Federsaun ho orgaun Liga atu kontinua realiza Liga iha tinan oin” dehan Sekretáriu Estadu Joventude no Desportu Abrao Saldanha liu husi nia intervensaun iha enseramentu LFTL epoka 2021 iha Estadion Munisipal Dili kinta (23/12).
“Ha’u orgulu lori governu nia naran mai ensera Liga Futebool Timorense atividade ida ne’ebé mak difisil tebes iha prosesu inisiu mais konsge realiza” tenik nia.
Membru governu ne’e mós, hato’o parabens ba ekipa tomak husi Liga Futebool Timorense nian ne’ebé mak bele organiza liga ida ne’e iha tempu ida difisil.
“Ita hatene ita iha Pandemia Covid-19 ita nia rai la perparadu atu enfrenta iha situasaun ida ne’e liuliu iha atividade desportu maibé ho ekipa tomak nia serbisu makas kuaze tinan ida nia laran ita bele realiza to’o ohin final” haktuir Abrao.
Iha biban nee SEJD mós hato’o Parabens ba klubu Kampeaun Karketu Dili Fc no susesu ba klubu hotu ne’ebé mak partisipa iha Primeira Divizaun no Segundu Divizaun.
Rep.: CharllY
