Dili – Prezensa Asosiasaun Desportiva dos Antigus Jogador Futebool Timor Leste (ADAJFTL) atu tulun Federsaun Futebool Timor-Leste (FFTL), atu nune’e bele hadia Futebool iha Timor ne’e oin.
Haree ba dezenvolviementu Futebol Timor Leste ne’ebe sempre tun no sa’e, grafika la konsistensia maka antigu jogador Futebol lansa Asosiasaun Antigu Jogador Futebol Timor Leste, ho obejtivu Ida atu bele fo apoiu ba FFTL hodi dezenvolve Futebol Timor – Leste.
“Eventu ne’e ami halo tanba atu halo lansamentu ba ami nia estatutu ezistensia Asosiasaun Desportiva dos antigus jogador Futebool Timor-Leste, tanba ami hetan ona legalidade husi Ministeru Justica, no públika ona iha jornál da Repúblika, ne’e mak ohin loron ne’e ami selebra” dehan prezidente Asosiasaun Desportiva dos Antigus Jogador Futebool Timor-Leste, António Carceres ba jornalista sira iha salaun Tower fatuhada Dili tersa (28/12).
Ezistensia ADAJFTL provoka husi observasaun antigu jogador Futebol sira nian kona-ba prestasaun ekipa nasional nomos dezenvolvimentu Futebol Timor Leste ne’ebe sofre degradasaun.
“Tanba durante ne’e ami haree ita hotu hotu hatene Futebool Timor-Leste ne’e markar pasu” tenik Nia.
Asosiasaun Desportiva dos Antigus Jogador Futebool Timor-Leste ne’e hahu iha tinan 2019, no foin mak hetan ligalidade husi Ministru Justica. Nune’e sira bele halao ona funsaun hodi fo tulun FFTL atu bele dezenvolve Futebol iha Rai doben Timor – Leste.
“ami nia intensaun ida importante ne’e mak oinsá ami bele kontribui ideias ba Federsaun Futebool atu nune’e bele hadia Futebool Timor ne’e, ba oin” Nia hatutan.
Ho prezensa antigus jogador Futebool Timor-Leste, nia espera ba oin antigus jogador ne’ebé mak eziste iha Timor no mós iha nasaun seluk, sira mós bele na’in hotu ba Asosiasaun ne’e tanba ne’e antigus jogador no la’ós ema ida rua nian nunee ba futuru sira bele kontribui ideas ruma para bele lori Futebool ba oin liu husi FFTL.
Enteretantu partisipa iha lansamentu Asosiasaun Desportiva Dos antigus jogador Futebool de Timor Leste ne’e mak Sekretáriu Estadu Joventude no Desportu (SEJD), Abrao Saldanha, Prezidente Federsaun Futebool Timor-Leste (FFTL), Francisco Jerónimo, Prezidente Liga Futebool Timor-Leste (LFTL), Nilton Gusmao. No mós membru Asosiasaun Desportiva dos antigus jogador Futebool rasik.
Rep.: CharllY
