DILI- AD. S.L.B. susesu sai Kampeaun ba Tasa Rosa Muki Bonaparte 2021, Sekretáriu Jerál AD SLB Domingos Caeiro, informa, Kampeaun ba Tasa Rosa Muki Bonaparte ne’e mak mehi SLB nian.
AD SLB sai Kampeaun hafoin halakon nia ekipa adversariu S’amuser Fc ho score 4-3 iha Final.
Jogu final ne’e ba dala rua ba klube AD SLB antes ne’e sira sai de’it ruuner-up no foin susesu sai kampiaun Taca Rosa Muki Bonaparte epoka 2021 tanba Sira ambisaun makas hadia prestasaun Runner up iha tinan kotuk.
“Ami susesu sai kampiaun ne’ebe Taca Ida ne’e ba Dala rua, tinan uluk la konsege sai kampiaun, sai deit runner-up tanba ne’e Ami iha ambisaun, ba liga rasik la sai kampiaun hetan manan nain dahaat, Ami esforsu tomak husi estrutura no treinador Sira enkoraja jogadora Sira Taca Muki Bonaparte epoka 2021 ami tenki sai kampiun” Sekretariu Jeral AD SLB Laulara Domingos Caeiro ba Jornalista iha Stadium Munisipal Dili sabadu (08/01).
Sekretariu hatutan, “Rezultadu jogu ohin hatudu Diak tebes jogadora Sira halo presaun Diak tebes ikus rezultadu final sai kampiaun no esforsu ba epoka tuir Mai ekipa AD SLB Laulara tenki sai kampiaun ba Liga Futebol Femenino Timor-Leste (LFFTL) tanba kontaktu ona ho jogadora Sira husi klube balun iha tempu badak sei Mai halo kontratu foun ho Ekipa AD SLB Laulara”.
Maske treinu ladun masimu maibe ekipa S’Amuser FC hatudu jogu Diak maske lakon nafatin motiva jogador Sira, lakon katak La iha sorte iha loron ohin maibe sei tuir Fali mai.
Iha Fatin hanesan Treinador S’Amuser FC hatete, “jogu ohin jogadora Sira hatudu jogu Diak tebes ho komitmentu maski lakon la fo sala ba jogador Sira motiva nafatin jogador Sira, lakon katak la iha sorte iha loron ohin, sei Hetan sorte sei tuir Fali Mai”.
Treinador hatutan, “rezultadu jogu ohin ekipa hetan dezafiu iha parte dahuluk jogadora Sira la halo konstrusaun Tama to’o area adversariu nian maibe iha parte daruak Nia halo mudansa no halo solusaun kedas ba dezafiu ne’ebe iha konsege Hatama avasadu para halo jogu hodi hetan rezultadu no muda orariu jogu sente difisil tanba feriadu kleur jogadora barak ba hotu foho selebra loron boot Natal no tinan foun nebe menus treinu ba jogadora Sira no foin treinu full loron rua deit depois ohin jogu final”.
Rep.: ADS
