DILI- Nilda Romana orgullu sai melhor markador iha Liga Timorense Futebol Femenino (LTFF) epoka tanba Marka golu 16 husi Joga dala ualu ne’ebe joga husi ekipa Buibere FC.
Nia orgullu tebes sai melhor markador tanba nia esforsu hodi treinu makaas hodi halo nia mehi sai realidade.
“Hau orgullu tebes sai melhor markador, Ida ne’e hanesan Hau Nia mehi tanba durante ne’e Hau prepara masimu, Hau treinu laos hamutuk ho ekipa deit maibe treinu extra mos”, Nilda Romana ba Jornalista sira iha Stadium Munisipal Dili, Sabadu (8/01).
Nia hatutan, “Hein katak iha Liga tinan ne’e Mai Nia sei mantein pozisaun Melhor Markador iha liga nafatin no sei esforsu Diak Liu tan no sei mantein Iha ekipa Buibere FC, sei haree situasaun iha posibilidade sei sai ba klube seluk, mantein nafatin karik buat hotu Lao Diak nafatin ho ekipa Buibere FC tanba Nia hamutuk ho ekipa Ida ne’e durante tinan haat ona husi 2019 to’o Agora”.
Nilda Romana sai Melhor Markador iha liga Futebol Femenino Timor-Leste epoka 2021 ho golu 16 enkuantu jogador Sira seluk labele halo golu Liu Nia ne’ebe Agia Bria husi Marantha FC ho golu sia, Dolores Verdiana husi ekipa S’Amuser FC, Elvira Da Silva husi Ekipa AD SLB Laulara no Vanessa Fernandes husi ekipa AD SLB Laulara, Sira nain tolu ho golu 5 husi jogu dala ualu.
Rep.: ADS
