DILI – Sekretáriu jerál Asosiasaun Timor Leste (AFTL), Fernando Batista informa, semana oin AFTL hahú simu rejistrasaun ba klubu 24 ne’ebé mak antes ne’e partisipa iha Pra Liga Futsal Timor Leste.
Sekretáriu jerál AFTL Fernando Baptista Xavier informa kona ba rejistrasaun ba jogu juvenil sub-14 ne’e sei hahú iha semana oin.
“Semana oin ita sei komesa hahú rejistu no ita sei fo sai avizu iha sexta“. Dehan Sekretáriu jerál AFTL Fernando Baptista Xavier ba JHD iha kampus UNTL segunda (10/01)
Fernando Afirma, “Jogu Futsal Juvenil sub-14 ne’e prioridade ba klubu 24, tanba ne’e mak desizaun husi AFTL hamutuk ho FFTL, atu fó preridade ba klubu 24 ne’ebé mak sai ona membru ba AFTL ne’e, maibé karik klubu 24 ne’e balun la mai rejistu tanba difikuldade sira ne’e haree fali espasu ba klubu sira husi liur hodi bele halo rejistu”.
“Konba klubu balu ne’ebé mak la partisipa sei la iha sansaun tanba jogu juvenil ne’e foin mak hahú ita fó flexibilidade karik iha di’ak liu tan, maibé se la iha agora ita bele tolera, maibé ba oin sira tenke iha juvenil junior no mós senior” tenik nia
Tanba depois de juvenil iha tinan oin sei iha mós kompetisaun ba junior atu nune’e ninia faze ne’e bele iha juvenil, junior too senior atu bele garante kualidade fini ba selesaun nasionál ba futuru ne’e minimu tenke iha kompetisaun tolu ne’e no tuir planu jogu junior ne’e sei foka liu ba sub-16.
Iha biban ne’e mós Sekretáriu jerál AFTL Fernando Baptista mós relata kona-ba planu prioridade AFTL ba tinan 2022.
“Planu preriodade ba AFTL iha tinan 2022 ne’e mak Kompetisaun jogu Juvenil sub-14 Liga Futsal ba primeira divizaun no Segunda divizaun ho tan Selesaun Nasional ne’ebé mak atu ba iha fulan Abríl agora no sei aumenta tan formasaun ba Treinador horibaihira sira iha tiha nivel báziku sira”.
Nia afirma, “agora sira tenke fó Sertifikadu lisensa nivel C ba formandu sira”.
Atividade sira ne’e sei hetan apoiu fundus husi Federsaun Futebool Timor Leste Konba montante hira ne’e seidauk hatene tanba sei lori ba Exco hodi diskute no wainhira aprova mak sei hatene.
Rep : CharllY
