Dili – Relasiona ho planu Asosiasaun Futsal Timor Leste (AFTL) ne’ebé mak atu organiza tan Liga Futsal Juvenil sub-14 ba klubu 24 ne’ebé mak antes ne’e partisipa iha Pra Liga Futsal, ho objetivu bele hetan futebolista ba futuru klubu nian, maibé klubu Maudoko Fc seidauk fiksu atu partisipa iha jogu refere, tanba seidauk iha perparasaun.
Kestaun ne’e hato’o husi Presidente klubu Maudoko Fc Taquino Soares ba JHD iha Estadion Munisipal Dili sabadu (08/01/2022).
Maudoko seidauk fiksu sei tuir ou lae maibé Maudoko Fc apoiu ba inisiativa ne’e tanba bele dezenvolve Futsal husi juvenil ka bibit hodi hetan jogador di’ak iha futuru.
“Ami suporta tanba ne’e programa di’ak para bibit jogador husi kiik atu hetan jogador di’ak iha futuru mais ami iha posibilidade atu tuir maibé seidauk fiksu dehan atu tuir tanba seidauk perapara “. Dehan nia.
Taquino haktuir, “Atu partisipa iha jogu futsal ba Juvenil sub-14 ne’e Maudoko Fc sei tuur hamutuk ho estrutura hodi haree ba asuntu ne’e”.
“Ami Klubu Maudoko Fc agora iha Futebool Feto no mós iha mane no Maudoko mós agora perpara hela atu partisipa iha terseiru divizaun Liga Futebool Timorense tanba ne’e ba Juvenil ami koko para atu kompete hotu” tenik nia
Taquino explika, “Maudoko mós iha hanoin atu partisipa iha Liga Juvenil sub-14 maibé sira sei buka kampu lai hodi hala’o treinu no halo selesaun ba jogador sira molok hakat ba Liga Futsal Juvenil sub-14”.
Rep.: CharllY
