DILI – Klubu Futsal Mushila Fc perpara ona jogador Juvenil sub-14 hamutuk 16 hodi kompete iha Liga Futsal Juvenil sub-14 ne’ebé organiza husi Asosiasaun Futsal Timor Leste (AFTL).
“Ami hahú prepara ona jogador husi 12 ate 14 anos durante semana rua ami komesa hetan ona jogador hamutuk 16 jogador fiksu ne’ebé mak ami iha ona no ami prontu para bele perpara sira iha jogu juvenil sub-14 ne’ebé mak sei organiza husi AFTL“, dehan Sekretariu Jerál klubu Mushila Fc Aquing Ung (PK) ba JHD iha kampu multifunsaun Bebora tersa (11/01).
Nia explika, “jogador hamutuk 16 ne’e inklui ona ho guarda rede nain 2 no ami tenta para bele hetan guarda rede nain 3 tanba, jogu futsal ne’e risku ituan bainhira kuandu guarda rede hetan akomulasaun ka cedera ruma ne’e perigu ba ekipa”.
Mushila Fc nia objetivu atu partisipa de’it iha eventu ne’e la iha hanoin atu sai Kampeaun maibé hakarak iha duni jogador ba sub-14 atu bele partisipa iha Asosiasaun Futsal ne’e realiza.
Iha fatin hanesan Treinador Musilha Fc Adriel philbert carlos Pereira, “informa Mushila Fc ladún iha perparasaun masimu maibé sira sei kontinua hala’o treinu hodi perpara jogador sira”
“Ami perpasaun sei minimu hela Ohin loron ikus ami halo selesaun ba jogador atu kompete iha juvenil sub-14 maibé depois ami hala’o hotu selesaun ami sei treinu hodi jogador sira bele joga ho di’ak liu tan” tenik nia.
Treinador ne’e afirma, “durante treinu fiziku tekniku no tatika jogu ba jogador sira no garantia jogador Juvenil sub-14 Musilha Fc sei hatundu jogu ho kompetetivu hasoru ekipa sira seluk iha kompetisaun Liga Futsal Juvenil ne’e”.
jogador hamutuk na’in 60 alin sira sub-14 antusiaismu tebes hakarak mai hamutuk ho família Mushila Fc durante semana rua ne’e nia laran depois tais no agora hela de’it jogador hamutuk 23 no husi jogador na’in 23 ne’e sei foti de’it mak jogador hamutuk na’in 16.
Enteretantu jogu futsal juvenil sub-14 ne’e sei hahú rejistu iha semana oin no tuir planu sei hahú jogu iha fevereiru fulan oin.
Rep.: CharllY
