DILI- Confederação Desporto Timor-Leste (CDTL sigla portuges) hakarak federasaun sira lori atleta kualidade partisipa Sea Games iha Vietnam, 2022.
Timor Leste, durante partisipa iha Sea Games ne’e akontese tiha ona ladun iha prestasaun. Laos ona tempu atu partisipa maibe kompete, nune’e ejije kada Federasaun tenki preparadu.
“CDTL hakarak mak federsaun sira lori atleta kualidade ba eventu internasional hanesan Sea Games ne’ebe realiza iha tinan ida ne’e no Orientasaun klaru tiha ona husi CDTL ho governu katak atleta sira ne’ebe mak atu ba tenki manan laos ba partisipa deit no governu investe para atu ba manan” Prezidente CDTL Macario F. Sanches ba jornalista sira iha nia knaar fatin, Colmera, Dili Kuarta (12/01).
Enkuantu, Federasaun ne’ebe la prepara ho diak ni-nia atleta sira, la prepadu. Nune’e Diak Liu prepara lai atleta ho didiak atu bele hetan opurtunidade hodi partisipa iha loron seluk.
“Se federasaun balun ne’ebe ladun prepara diak liu prepara ba sea Games tuir mai tanba ba atu lori fali buat ruma mai Timor” Prezidente CDTL Macario F. Sanches ba jornalista sira iha nia knaar fatin, Colmera, Dili Kuarta (12/01).
To ohin loron iha Federasaun 4 mak deklara ni-nia atleta sira preparadu ona atu partisipa Sea Games.
Prezidente hatutan, “iha federasaun haat ne’ebe konfirmadu ona atu partisipa Sea Games mak hanesan Atletizmu, Taekwondo, Karate no boxing konfirmadu ne’ebe iha atleta preparadu ona atu partisipa Sea Games iha Vietnam no federerasaun rua tenki prepara an didiak no iha proposta tan federasaun rua nian ne’ebe SEJD presiza haree iha posibilidade ba partisipa Sea games, iha federasaun Natasaun no Voleybol“
Enkuantu, kada Federasaun ne’ebe hakarak atu partisipa Sea Games tenki submete proposta ba CDTL, CONTL no Governu atu bele verifika sira ni-nia preparasaun no kualidade atleta Molok deside, bele ou Lae
Rep.: ADS
