spot_imgspot_imgspot_imgspot_img
spot_imgspot_imgspot_imgspot_img
More

    FTTL Prepara Atleta sira Ba Eventu Internasional tolu Iha 2022

    DILI- Federasaun Taekwondo Timor-Leste (FTTL) sei prepara atleta ba tuir kompetisaun internasional, iha rejional no mundial.

    Ne’ebe sei partispa husi atleta sira ne’ebe selesionadu liu husi ekipa nasional.

    Iha 2022, Federasaun Desportu Sira iha rejiaun Asia sei realiza eventu Internasional tolu :  mak hanesan Sea Games iha Vietnam, Asian Games no world Taekwondo Championship iha Korea. Tan ne’e FFTL sei realiza kampeonatu Nasional hodi eskolla mellor Atleta atu bele lori Timor Leste ba partisipa eventu hirak ne’e.

     “Planu federasaun Taekwondo iha 2022, ami  prepara liu atleta ba eventu internasional hanesan Sea Games iha Vietnam, Asian Games no world Taekwondo Championship iha korea“, prezidente FTTL Gabriel da Costa ba jornalista JHD, Colmera, Dili kuarta (12/01).

    Espesialmente ba Sea Games, FTTL eskolla no prepara ona atleta nain-7 ne’ebe kompletu husi Mane nain-4 no Feto nain-3 hodi partisipa iha klase diferente.

    hetan informasaun husi CDTL no SEJD husi  ne’ebe federasaun deside halo ona selesaun, foin dadauk hetan ona mane haat no feto tolu ne’ebe mak preparadu partisipa Sea Games iha Vietnam. Sira sei joga iha klase under 49kg, 53kg 58 kg ba feto no under 54kg, 57kg, 63 kg no 68 kg ba Mane” Nia hatutan.

    Enkuantu ba eventu rua seluk presija fo opurtunidade ba atleta seluk liuhosi realizasaun kampeonatu nasional, atu bele eskolla no prepara mellor Atleta sira.

    ami haree kampionatu nasional hodi nune’e bele hetan fali atleta ne’ebe diak hodi tama fali ekipa nasional tanba husu ba treinador dojan sira treinu kontinua nafatin ba atleta sira hodi prepara karik kampionatu sei akonetese iha 2022” Nia Informa.

    Agora daudaun, FTTL kontinua prepara atleta sira ne’ebe haree, avalia no treina direita husi master Korea ba atleta ne’ebe selesiona durante eventu nasional mak halao iha dezembru, 2021.

    Rep.: ADS

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img