DILI- Federasaun Desportu Akademiku Timor-Leste (FDA-TL ) sei lori atleta husi modalidade 5 ba partispa Asian University Games (AUG) 2022 iha Tailandia.
Molok ne’e, FDA-TL halo Selesaun ona ba Atleta universitariu sira liuhosi eventu Festival Desportu Akademiku Timor Leste iha novembru 2021. Iha ne’ebe tuir Orariu atleta selesionadu Sira ne’e sei partisipa Asean University Games iha Tinan ne’e.
“ami sei sei lori atleta husi modalidade Atletizmu, Futebol, Taekwondo, Voleibol no Xadres ba partispa Asian University Games (AUG) 2022, iha Tailandia” Prezidente FDA-TL Zeferino Viegas TIlman ba Jornalista sira, iha nia knaar fatin, Colmera, Dili kinta (13/01).
Tan ne’e, FDA-TL sei prepara atu atleta ida-idak bele treinu iha tempu besik, molok Tama ba training center.
“Sira sei hahu treinu iha semana ikus fulan janeiru ka semana dahuluk favereiru nian no atleta sei treinu kada modalidade iha fatin ida to’o hela fulan ida treinador sira sei halo selesaun final tuir kriteria komisaun organizador AUG hodi atleta sira tama TC (training Center) hodi treinu intensivamente durante fulan ida molok ba partisipa AUG”, nia hatutan.
Tuir Orariu ne’ebe AUG sei akontese iha Fulan junllu, katak sei Hela Fulan 6-resin atu atleta Sira prepara hodiak.
“tuir orariu AUG sei realiza iha fulan jullu 2022” nia Informa.
Ho tempu, porsaun treinu nomos esperiensia ne’ebe kada atleta iha halo FDA-TL iha esperansa atu atleta sira bele hetan pretasaun diak.
Prezidente ne’e hatete, “esperansa atleta sira sei lori rezultadu pozitivu ba nasaun tanba sei ba ho atleta diak teb-tebes ne’ebe iha posibilidade boot atu konsege duni no kompete to’o faze final“.
Enkuantu, atleta 110 husu modalidade lima mak selesionasu iha FESDATIL Tinan 2021, Sira ne’e mak sei prepara aan hodi bele Tama ba training center tuir kriteria AUG nian.
Rep.: ADS
