DILI- Federasaun Xadres Timor-Leste halo preparasaun atleta sira ba eventu internasional iha tinan 2022 hodi reprezenta Federsaun no nasaun Timor-Leste iha kompetisaun rai liur.
Federasaun hakarak prepara atleta diak iha 2022 ba kompetisaun rai liur tanba ida ne’e iha planu lubuk ida ba aktividade iha tinan ida ne’e.
“ami nia planu federasaun xadres nian iha tinan ida ne’e mak prepara atleta feto tolu no mane tolu ba Asian university Games (AUG), halo kompetisaun rating tournament ba junior no senior feto mane, sei prepara atleta mane haat no feto haat partisipa Olimpiade Xadres iha Moscow no halo kampionatu nasional no fortalesimentu asosisaun ne’ebe estabelese ona iha kada munispiu hodi prepra atleta sira iha tinan ida ne’e”, Prezidente FXTL Zeferino Viegas Tilman ba jornalista JHD, Colmera, Dili kinta (13/01).
Prezidente hatutan, atleta xadres partisipa AUG komesa 26 fulan Jullu to’o remata iha Tailandia ho atleta mane tolu no feto tolu no partisipa mos olimpiade Xadres iha Moscow ne’ebe sei realiza iha semana ikus fulan Jullu to’o Agostu ho atleta mane haat no feto haat.
Dosente UNTL ne’e hateten Xadres hanesan federasaun iha desportu Timor-Leste maibe sai hanesan federsaun ida ne’ebe harii asosisaun Xadres iha munisipiu 12 inklu Oe-Cusse.
“Fortalesimentu Asosiasaun Xadres, ami Federasaun foun maibe iha ona Asosisaun Xadres iha Munispiu 12 ona, aban ikus ami harii Asosisaun Xadres iha Oe-cusse (RAEOA) hodi prepara atleta junior no senior iha Munisipiu sira”, Nia haktuir
Eis Pro-Reitor UNTL ne’e informa, “sei halo kampionatu nasional depois atleta xadres partisipa eventu internasional iha tinan 2022 ne’ebe nakloke ba ema hotu no sei manda karta ofisial hato’o ba asosiasaun municipal sira haruka nia ema mai kompete hanesan atleta xadres no proposta ba atividade depois atleta partisipa iha AUG tanba preparsaun ba AUG ne’e orsamentu SEJD aloka ona ba Federsaun Desportu Akademika Timor-Leste (FDA-TL) mak sei jere ba kompetisaun refere ne’ebe aktividade sira seluk ne’e nia proposta prontu ona atu hatama ba SEJD hodi hetan fundu ba atividade sira ne’e bele hala’o iha tinan ne’e”.
Zeferino dehan, iha planu ida ne’ebe sei iha diskusaun nia laran mak festival desportu nasional ne’ebe sei partisipa atleta xadres sira mai husi asosisaun municipal sira maibe ita hein deit posibilidade sei bele realiza aktividade refere ne’ebe bele hetan alokasaun orsamentu husi governiu liu husi SEJD.
Rep.: ADS
