spot_imgspot_imgspot_imgspot_img
spot_imgspot_imgspot_imgspot_img
More

    CDTL – SEJD obsera preparasaun Federasaun Taekwondo ba Sea Games Vietnam

    DILI – Konfederasaun Desportu Timor Leste (CDTL sigla portugés) servisu hamutuk ho Governu liu husi Sekretáriu Estadu Joventude no Desportu (SEJD) hodi hala’o observasaun ba da-huluk ba atleta Federasaun Taekwondo Timor Leste (FTTL), nia preparasaun atu partisipa iha Sea Games Vietnam.

    Iha vizita dahuluk ne’e mós médiku husi Konfederasaun Desportu Timor Leste (CDTL) halo mós konsulta saúde ba atleta selesaun nasionál sira.

    Hafoin haree besik ba atividade perparasaun atleta selesaun nasionál Federsaun Taekondow Timor Leste (FTTL), iha Centru Treinamentu Tibar, prezidente CDTL, Macario Sanches, informa, Governu deside ona modalidade balun perpara ona atu ba kompete iha Sea Games Vietnam 2022 inklui Federsaun Taekwondo.

    Taekondow perparadu ona tanba ne’e mak ami mai ho ekipa médiku atu haree sira-nia progresu desde inisiu to’o agora, ne’e hanesan vizita de’it para atu enkoraja sira la’ós de’it teknikamente mais Moralmente atu atleta sira mais perparadu atu bele kompete iha Sea Games mai ne’e” dehan prezidente CDTL Macario Sanches ba jornalista iha sentru treinamentu Tibar sabadu (15/01).

    Iha fatin hanesan Sekretáriu Estadu Joventude no Desportu (SEJD), reprezenta husi Diretora Alta Kompetisaun, Maria Luiza Monteiro, informa, ohin ne’e primeira vizita mai hamutuk ho CDTL sira, hodi haree katak Federsaun Taekwondo nia kondisoens ne’ebé mak sira iha ne’ebé mak hetan apoiu husi governu Corea sira ida ne’e hanesan Primeira vizita ba sira nia Treinamentu ida ne’e.

    Ha’u hanoin katak governu iha planu ba preparasaun liliu ba Sea Games ne’e rasik governu iha planu i apoiu ba Federasaun sira ne’ebé mak iha ona lista atu ba partisipa iha Sea Games no mós Asean Games governu planu tau orsamentu no depois apoiu moral servisu hamutuk ho CDTL ho CONTL” tenik nia.

    Nune’e mós Prezidente Federsaun Taekwondo Timor Leste (FTTL), Gabriel da Costa espera, sentimentu kontente tanba CDTL ho Governu insitiva hakarak obsera direita ba atleta Taikondow sira.

    husi Taekwondo sente orgulu tebes tanba CDTL ho Governu insitiva hakarak obsera direita ba atleta Taikondow sira mak agora dadaun perpasaun atu ba tuir Sea Games no Asian Games iha tinan ne’e ami sente ida ne’e onra boot ida ba Federsaun” tenik nia

    Tuir planu atleta FTTL hamutuk nian 7 mak sei ba partisipa iha Sea Games iha Vietnam tinan ne’e kompostu husi mane 4 no feto 3

    Enteretantu eventu internasional ne’ebé mak organiza tinan rua dala ida ne’e sei hala’o iha loron 12 to’o 23 Maiu tinan 2022 no sei partisipa husi nasaun sira iha Asean hamutuk 11 ho Modalidade hamutuk 40.

    Rep : CharllY Junior

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img