DILI- Federasaun Futebol Timor-Leste (FFTL) rekonese seidauk Manda Karta kunesimentu ba klube sira Kona ba jogador klube sira nian ne’ebe federasaun hili tama ekipa nasional ba kompetisaun U-23 AFF iha Cambodia iha 2022 ne’ebe hamosu tristeza ba klube AD SLB Laulara.
FFTL rekonese seidauk manda karta ba klube Sira tanba sei komunika ho jogador sira kona ba klube Sira ne’ebe Agora pertense ba no tanba federasaun lori jogador ba try out hanesan traning camp ho urjente no janela tranferensia seidauk loke Ida ne’e difikukta tebes federasaun maibe tempu badak federasaun sei komunika ho klube sira ka manda karta kunesimentu katak federasaun hili sira Nia jogador defende Timor lori bandeira RDTL ba kompetisaun ofisial AFF U-23 iha Cambodia iha tinan ne’e.
“Ami rekonese seidauk manda karta ba klube sira eziste iha Timor tanba ekipa nasional agora daudaun ba try out ho Indonesia hanesan mos training camp ho urjente tanba Indonesia simu konfirmasaun iha minutu ikus iha loron 18 janeiru 2022 no ekipa nasional aranka iha 20 janeiru 2022 no Ami sei komunika ho jogador sira, klube ne’ebe mak sira halo kontratu no pertense ba ne’ebe Ida ne’e difikukta tebes federasaun maibe antes sira aranka ba Kompetisaun ofisial AFF U-23 iha Cambodia iha tinan ne’e federasaun sei komunika ho klube Sira ka Manda Karta kunesimentu ba klube sira ne’ebe jogador sira pertense ba hodi hato’o informasaun ba klube sira katak sira nia Jogador defende hela Timor lori bandeira RDTL ba kompetisaun ofisial AFF U-23 iha Cambodia” Adjuntu Sekretariu FFTL Frederico Martins ba Jornalista sira iha nia knaar fatin, Bairro Formosa, Dili kuarta (26/01).
Iha sorin seluk Sekretariu jeral AD SLB Laulara Domingos Caeiro hatete, Sira sente triste tanba federasaun lori sira nia jogador, sira la hetan informasaun husi federasaun ne’ebe husu Federasaun tau kestaun ida ne’e tanba ne’e jestaun ida tenki hadia, karik federasaun atu lori jogador klube nian ba kompetisaun ofisial iha Rai liur fo netik informasaun ba klube sira tanba federasaun hetan jogador husi klube Sira.
“Ami triste tanba federasaun lori jogador sai dadauk ba kompetisaun iha rai liur ne’e klube Sira la hetan informasaun husi federasaun maibe karik federasaun atu lori jogador sai ba liur fo netik informasaun ba klube sira katak jogador Ida ne’e federasaun lori Tama ekipa nasional maske janela tranferensia seidauk loke tanba federasaun hetan jogador Sira ba ekipa nasional, se klube la eziste, dalaruma bele manobra tan jogador, lori husi estranjeiru mai dehan Timoroan maibe ami lakoi Ida ne’e akontese ne’ebe Ami husu ba federasaun tau kestaun ida ne’e tanba ne’e jestaun Ida ne’ebe tenki hadia”.
ADS
