DILI – Prezidente Sentru Juvenil Grigorio Correia sei fó nia votu ba Kandidatu Francisco Gerónimo ho nia vise Brigadeiru jeneral Falur Rate Laek iha Kongresu Federasaun Futebool Timor-Leste (FFTL) ba dala VII ne’ebé sei hala’o iha loron 26 fevereiru tinan ne’e.
Federasaun Futebool Timor Leste sei realiza kongresu Nasionál ba dala VII, iha loron 26 fevereiru, hanesan orgaun aas liu ne’ebé sei deside destinu organizasaun nian, inklui eleje Presidente Federasaun. Ho nune’e iha diskursu oin-oin kona-bá future Presidente Federasaun, iha asosiaun ne’ebé deklara apoiu Francisco Kalbuadi lay, Nilton Gusmão, tanbá ne’e hanesan Asosiasaun ne’ebé iha direitu ba vota, maka sentru Juvenil deklara apoiu Francisco Geronimo.
“Ha’u desde inisiu ha’u la’o ho ema ida ha’u vota ba nia ne’e na’in hira hatene ona tanaba ha’u rasik mak propoin brigadeiru jeneral Falur Rate Laek ba vice prezidente FFTL ne’ebé ha’u tenke vota ba sira” dehan prezidente sentru Juvenil Grigorio Correia ba jornalista sira iha Kampu Demokrasia Dili (26/01).
Pozisaun ida ne’e Asosiasaun Sentru Juveníl foti ho rajaun tanbá durante mandate sira halo servisu barak, fo espasu kiik-oan sira, lori atividade futebool ba munispiu nomós finansia kualker atividade asosiasaun Munisipiu.
“ha’u vota fali ba seluk mak duni sai ami? ne’e hakarak ka lakoi sira fasilita hau. Ha’u mós tenke fasilita sira tanba durante mandatu sira ne’e lori bola ne’e to’o distritu ona asosiasaun sira mós hetan oituan maibé ita labele ko’alia de’it matematika osan 5.000 ka 6.000 ne’e atu mai husi ne’ebé” tenik nia.
Maske nune’e, Sentru Juveníl nafatin kopera ho kandidatu ida ne’ebé de’it mak sei eleitu iha fulan oin, servisu hamutuk tanbá futebool.
“Kolabora ho sira tantu ekipa husi Nilton Gusmao mak manán ka Francisco Kalbuadi Lay mak manán mós ita kopera nafatin tanba Futebool ne’e”, Nia hatutan.
Enkuantu kandidatu nain-3 ne’e, hetan propoen husi asosiasaun ida- idak, ne’ebé Francisco Kalbuadi Lay, propoin husi asosiasaun 3, no Francisco Jerónimo, ne’ebé propoin husi asosiasaun 1, no Nilton Telmo Gusmao Santos propoin husi asosiasaun 1.
Enkuantu, kongresu FFTL ba dala-7 ne’e sei partisipa husi Asosiasaun Futebol husi Munisipiu hamutuk 12 inklui RAEOA, Asosiasaun Arbitrajen, Asosiasaun Futebol Femenino, Asosiasaun Treinadór, Asosiaun Sentru Juveníl, Asosiasaun Futsal, Kampeaun segundu divizaun (Emanuel Fc) ho Kampeaun primeira Divizaun (Karketu Díli Fc) epoka 2021. Parte hirak ne’e maki ha direitu hodi vota ba Presidente FFTL foun ba periodu 2022 – 2026.
Rep : CharllY Junior
