DILI – Federasaun Futeból Timor-Leste (FFTL) Liu husi komite eleitoral publika ona kandidatura Francisco Martins C. P. Jeronimo, Francisco Kalbuadi Lay no Nilton Telmo Gusmao Dos Santos prontu ona konkore sai Prezidente FTTL periodu 2022-2026 tanba priense rekezitu ona bazeia rekezitu kandidatura komite Ezekutivu foun ne’ebe afirma iha Estatutu FFTL artigu 37 no kodigu eleitoral artigu 11.
Tinan ne’e, mandate ezekutivu FFTL termina, ho nune’e Komite eleitoral no Judisiariu ha verifikasaun ba kandidatura ne’ebé submete ona sira-nia submisaun hahú husi loron 25 fulan November 2021 to’o loron 12 janeiru 2022. Tanbá ne’e, Komite refere halo anunsiu rejultadu verifikasaun ba publiku.
“Ami halo tiha ona verifikasaun, nia rezultadu katak kandidatu sira ne’e priense rekezitu no prontu Konkore sai prezidente FTTL ba periodu 2022-2026, bazeia rekezitu kandidatura komite Ezekutivu foun ne’ebe afirma iha estatutu FFTL artigu 37 no kodigu eleitoral artigu 11” porta Voz komite Eleitoral Virna de Carvallho ba jornalista Sira iha edifisiu FFTL, Bairro Formosa, Dili kuarta (26/01).
Ho resultadu verifikasaun no anunsiu kandidatura hirak ne’e, fo espasu ba kandidatura ida-idak atu halo kampaña hodi bele atria simpatia husi votante sira molok tama ba kongresu eleitivu.
“kandidatu hirak ne’e eleijivel no prontu konkore iha kongresu eleitivu iha 26 Fulan fevereiru 2022 tanba ne’e, komite Eleitoral no Judisiariu konklui ona prosesu verifikasaun no anunsia abertura kampana kandidatu sira nian, Kandidatu sira bele halo ona kampana husi loron 26 janeiru to’o 25 fevereiru 2022” Tenik nia.
Tenik hatutan “eleisaun ba komite Ezekutivu ne’ebé demokratiku bele rezulta progresu dezenvolvimentu Futebol iha Timor-Leste”.
Kongresu eleitivu tinan 2022 sei organiza demokratikamente hodi eleje komite Ezekutivu FFTL foun periodu 2022-2026. Iha ne’ebé, kandidatura ba Ezekutivu FFTL refere kompostu husi ; kandidatura prezidente FFTL nain-3, ne’e mak, Fransisco Kalbuadi Lay, Fransisco Martins da C. P. Jeronimo no Nilton Telmo Gusmao Dos Santos, Kandidatura vise-prezidente nain-2 mak hanesan Domingos Raul “ Falur Rate Laek” no Aleixo da Silva Gama. Kandidatura ba membru ezekutivu feto iha nain rua mak hanesan Engracia Pimentel Fernandes no Maria Terezinha Viegas. No Kandidatura ba kargu membru ezekutivu FFTL iha nain 8 mak hanesan Marito Belo, Henrique da Costa, Faustino G. G. Costa, Augusto Henrique, Angelo Lopes, Aniceto Gouveia Berlelo, Ipolito Soares no Ricardino S. Dos Reis.
ADS
