DILI – Vise Prezidente Komité Olimpiku Nasionál Timor Leste (CONTL sigla portugés), Mateus da Cruz, informa, media Timor Leste tenke rezistu iha Asosiasaun Ázia nune’e bele hetan konvite ofisiál husi organizasaun internasionál sira
“Media tenke rezistu iha asosiasaun media Ázia ninian para bele hetan konvite ofisiál husi organizasaun internasionál sira” dehan vise prezidente CONTL Mateus da Cruz ba jornalista iha edifisiu SEJD Dili kinta (27/01).
Tuir nia, Iha jogu Sea Games ne’e CONTL propoin ona media na’in rua, tanba ida ne’e nia sempre ko’alia katak media ne’e kona-ba jogus olimpiku ka jogu Sea Games sira ne’e média ida reprezenta media komité olimpiku nian. komu media Timor Leste la iha aselaritasaun tama iha membru asosiasaun sira ne’e tanba ne’e mak média sira ne’e reprezenta komité olimpiku, no situasaun ne’e sempre akontese.
“komu media Timor Leste la iha aselaritasaun tama iha membru asosiasaun sira ne’e tanba ne’e mak ita sei lori média sira ne’e reprezenta komité olimpiku, ha’u hanoin katak ida ne’e sempre akontese tinan tinan i depois informasaun sira ne’e bebeik ona ba” tenik nia
“Maibé ita bele halo transmisaun direta buat sira ne’e hotu remata, dalaruma ita atu halo transmisaun direta ita tenke ko’alia fali ho komisaun organizadora sira iha disponivel sira bele fo frekuensia mai ita bele utiliza ne’e mak serbisu boot ida ba ita atu halo” nia afirma
Vise Prezidente CONTL ne’e rekomenda ba média sira hotu bele sai full member ba membru asosiasaun media Ázia ka média internasionál para media sira bele hetan Sertifikasaun para hetan konvite ofisiál husi Komisaun organizadora sira para bele hola parte hanesan media internasionál sira ne’ebé mak partisipa iha jogu sira ne’e.
Tuir orariu jogu Sea Games Vietnam ba dala 31 ne’e hala’o iha Hanoi Vietnam iha loron 12 to’o 23 fulan Maiu 2022 no Timor Leste sei partisipa ho modalidade 8 mak hanesan Futebool, Natasaun, Taikondow, Karate-do, Volibol, Boxe Halterofelismo no seluk Tan.
CharllY Junior
