DILI – Asosiasaun Futsal Timor Leste (AFTL) rejista ona klubu 8 hodi kompete iha Liga Futsal Juvenil sub-14, enkuantu sei hela klubu 16, husi klubu 24 ne’ebé partisipa iha pra-liga Futsal 2021.
Antes ne’e, Asosisaun Futsal Timor – Leste (AFTL) anunsiu ona ba públiku kona-bá liga futsal Juvenil sub-14, ne’ebé ni-nia period rejistasaun hahú husi 18/01 no sei termina iha loron 31/01 iha tinan 2022. To ohin loron, iha klubu 8 mak konsege priense krtéria hodi rejistadu iha AFTL.
“Iha ne’e foin klubu 8 mak halo rejistu ba sira falta 16 mak Ramelau Fc, Crazy Horse Fc, Lahane RB, Sao Francisco Xavier Fc, Becusse United Fc, Boa Sorte Fc, FC B’Tal, no Fc Fiel” dehan administrasaun finansa AFTL, Tereza Cecilia Batista Xavier ba JHD iha nia knaar fatin Formoza Dili sexta (28/01).
Hela de’it loron 3 atu termina rejistasaun, se kuandu klubu 16 seluk la konsege rejistu maka parte AFTL sei fo opurtunidade ba Klubu seluk ne’ebé la partisipa pra-liga Futsal iha tinan kotuk, 2021.
“To’o iha 31 Janeiru mak klubu 24 ne’ebé mak antes ne’e joga iha Pra Liga Futsal mak la mai kompleta, AFTL sei loke ba klubu sira li’ur ne’ebé mak antes ne’e la joga iha Pra Liga Futsal atu bele mai rezistu” tenik nia
Enkuantu, kriteria ba rejistasaun iha eventu refere maka, jogadór tenki ho idade 13 anus, osan $75 no kada klubu iha jogadór hamutuk 16.
CharllY Junior
