DILI – Maske Timor Leste derota makas ho score 4-1 kontra selesaun nasionál Garuda Indonézia maibé, Federsaun Futebool Timor-Leste (FFTL) garante nafatin ba ekipa Selesaun Nasionál Timor Leste sub-23, sei hatudu rezultadu di’ak iha AFF Championsip ne’ebé mak sei hala’o Cambodia fevereiru tinan ne’e.
Molok atu ba partisipa iha Jogu Asean Football Federation AFF Championship ekipa Lafaek nurak halo jogu try out ho Garuda Indonesia hodi koko ekipa Lafaek nia forsa, no iha jogu amigavel ne’e selesaun nasionál Timor Leste derota ho score boot liu 4-1
Iha Primeira parte Timor Leste konsege hatudu jogu di’ak no konsege lídera uluk ho score 1-0 liu husi avansadu Paulo Gally iha minutu 34.
Enkuantu iha jogu segunda parte ekipa Selesaun nasionál Timor Leste sofre derota ho golu haat ne’ebé mak marka husi Ricky Kambuaya iha minutu (65) Pratama Arhan minutu (73), no auto golu husi Mendonca da Silva minutu (77) no auto golu dala ida tan husi Filomeno Junior iha minutu (80)
Tuir adjuntu sekretáriu Federsaun Futebool Timor-Leste (FFTL), Frederico Martins motivu husi jogu amigavel ne’e mak atu haree forsa husi ekipa liuliu jogador plantela ozi ho jogador suplente sira nune’e kualidade husi jogador la bele dook malu entre ozi ho suplente.
“Motivu husi jogu amigavel ne’e mak ita atu haree ita nia forsa husi ita-nia ekipa liu liu iha plantela ozi ami fo ona ideia ami fó ona imput barak ba ita-nia Treinador, oinsá para atu labele jogador ozi ho jogador suplente sira ne’e, labele nia kualidade ne’e, labele dook liu, hanesan foin lalais ita hare baliza primeiru kuandu sai, baliza segundu tama, diferensa ne’e dook tebetebes” dehan adejuntu sekretáriu FFTL Frederico Martins ba jornalista sira iha Estadion Munisipal Dili sabadu (29/01).
Frederico afirma, “Jogu amigavel ne’e, para sira hare jogador ne’ebé mak atu troka ne’e merese ka lae atu troka ne’e duni ida ne’e hanesan try out atu koko jogador sira”.
“Ba Fedearsaun hare garante katak ita sei halo buat ruma iha AFF sub-23” tenik nia
“ita fiar katak ho rezultadu ne’ebé mak foin lalais ne’e ita derota maibé iha Primeira parte ita konsege halo jogu ne’ebé mak furak ita espera katak jogu tuir mai ne’e bele hatudu nafatin sira nia performa di’ak” tenik Frederico
Sekretáriu FFTL informa, Ho jogu amigavel, nune’e bele ba kompetisaun sub-23 ne’ebé mak hala’o iha kamboja bele fó partisipasaun ne’ebé masimu
Nia akresenta, Ho jogu ne’ebé mak selesaun nasionál Indonézia nian no sira mós sei tenta hela para atu jogu amigavel ida tan ho klubu lokál sira iha Bali
Timor Leste sei joga dala ida tan ho ekipa Selesaun nasionál Indonézia iha loron 30 Janeiru iha Estadion I Wayan Dipta Gianyar Bali
Enteretantu jogu amigavel ho Indonézia ne’e ho objetivu atu koko selesaun nasionál Timor Leste nia forsa atu partisipa iha jogu AFF Championsip ne’ebé mak tuir orariu sei hahú iha loron 14 to’o 26 fevereiru tinan ne’e
CharllY Junior
