DILI- desde Janeiru 2022 Federasaun Karate-Do Timor-Leste (FEKATIL) kontinua prepara Atleta ni-nia Fiziku no teknika hodi enfrenta Sea Games iha Fulan Maiu Tinan ne’e, iha Vietnam.
Antes ne’e, Federasaun Karate-Do halao ona preparasaun rutina ba Atleta ida-idak nia Fiziku no dominasaun teknika iha dader no loraik. Daudaun, Atleta ida-idak Hela iha Uma Mak ba partisipa treinamentu iha GMT no Delta.
“Preparasaun hala’o tiha ona iha fulan janeiru, sira treinu fiziku iha dadersan iha GMT no loraik sira treinu tekniku iha Delta no atleta sira agora iha ida-idak nia fatin, treinu mak sira konsentra iha treinu fatin ne’ebe dadersan sira treinu komesa 06:00 to’o 7:00 no loraik husi 17:00 to’o 19:00” prezidente FEKATIL Filomeno S. de Araújo ba Jornalista sira iha edifisiu CDTL, Colmera, Dili segunda (7/02).
Maske, Atleta ida-idak Hela iha Uma Maibe Governu liuhosi SEJD ho CDTL nafatin halo esforsu hodi atribui orsamentu ba ai-han ni-nian atu Federasaun ida-idak bele uja ba hakonu Atleta ida-idak ni-nia Nutrisaun durante preparasaun.
“Ami hanesan federasaun senti kontente simu orsamentu ba hahan nian ho montante 6,480 USD, ne’ebe ami simu depende ba numeru atleta sira ho treinador, ne’ebe Ami iha atleta nain lima no treinador ida ho ida ne’e ami hanoin katak bele ona para suporta atleta sira durante Sira nia treinu ho sira nia esforsu hodi partisipa Sea Games iha Vietnam iha fulan Maiu nia laran” tenik Prezidente.
Filomeno hateten, Sira nia esperansa sei halo buat ruma iha Sea Games maski tempu badak maibe sira preparadu ho Diak mesmu iha 2019 to’o 2021, sira la iha atividade ne’ebe atleta sira treinu individual nafatin no sira garante sei hetan medalla osan mutin no metan lori Mai Timor-Leste.
“Ami nia esperansa sei halo buat ruma iha Sea Games maski tempu badak maibe ami preparadu ho diak mesmu iha 2019 to’o 2021, ami la iha atividade ne’ebe atleta sira treinu individual nafatin no ami garante sei hetan medalla osan mutin no metan lori Mai Timor-Leste” Nia hateten
Enkuantu, ba Tinan Ida ne’e FEKATIL sei lori Atleta nain-5 no treinador nain-1 hodi ba tuir eventu refere, sea games 2022 iha Vietnam.
ADS