DILI- Jogador famozu Paulo Gali labele reforsa ekipa nasional Timor-Leste kontra Filipina iha Jogu dahuluk AFF U-23 tanba afetadu moras Covid-19 hamutuk ho Jogador nain tolu seluk no ofisial Kitman ida hafoin teste iha aeroportu Cambodia.
Ekipa Selesaun Nasional ne’ebe to’o iha Cambodia iha loron 11 hodi submete kedas ba teste PCR ne’ebe halo teste antijeniu iha airoportu, no resultadu hatudu jogador Paulo Gali pozitivu kedas no nain haat seluk inklui ofisial kitman Julio depois ba otel rezultadu teste PCR sira pozitivu ne’ebe agora sira iha hela fatin izolamentu iha otel ketak.
“tuir protokolu ita nia jogador sira to’o iha Cambodia submete kedas sira ba teste PCR ne’ebe halo teste antijeniu iha airoportu ita nia jogador Paulo Gali pozitivu kedas no sira nain haat seluk inklui ofisial kitman Julio depois ba otel rezultadu teste PCR sira pozitivu ne’ebe agora sira iha hela fatin izolamentu iha otel ketak” Adjuntu Sekretariu FFTL Frederico Martins ba Jornalista sira Iha edifisiu FFTL Bairro Formosa, Dili tersa (15/02).
Ho resultadu teste Covid-19 ne’e, obriga Jogador Paulo Gali ho Sira seluk labele reforsa ekipa nasional iha joga dahuluk kontra Filipina.
“ita nia jogador Paulo Gali ho jogador Orcelio, Novelito no Gumario labele reforsa ekipa nasional Iha jogu dahuluk hasoru Filipina tanba sira afetadu moras Covid-19 tanba“, Nia hatutan.
Enkuantu ba Jogu daruak, Jogador hirak ne’e labele reforsa nafatin ekipa nasional tanba tuir regumanetu Covid-19 iha Cambodia, Ema ne’ebe pozitivu sei halo fila fali teste hafoin loron 9 iha izolamentu
“sira sei halo teste fila fali iha loron 18 fevereiru 2022. Tanba ema ne’ebe pozitivu liu loron sia mak halo teste fali nune’e ita nia Jogu daruak hasoru Brunei Darussalam iha loron 17 fevereiru 2022 ita nia jogodor sira nafatin sei la reforsa ekipa nasional iha Jogu ne’e” Adjuntu hatutan.
Frederico hatutan, sira tenta koalia ona ho komisaun organizador ba iha parte mediku para atu halo teste antes Jogu daruak maibe ne’e laos kompetensia komisaun organizador nian, ida ne’e regulamentu nasaun Ida-idak nian entaun sira tenki tuir regulamentu ne’ebe governu Cambodia estabele Cambodia iha nia nasaun.
Rezultadu iha grupu A ne’ebe kompostu husi nasaun haat, Cambodia, Brunei Darussalam, Filipina no Timor-Leste, Uma nain Cambodia lidera tabela klasifikasaun hela ho pontu 3, Timor-Leste no Filipina hetan pontu 1 no Brunei Darussalam hetan pontu 0.
ADS
