DILI – Jogador prinsipál Paulo Gali Freitas ne’ebé mak antes ne’e la joga iha jogu dahuluk AFF sub-23 iha posibilidade sei joga kontra Brunei Ds ne’ebé mak sei hala’o aban loron (17/02)
Lia hirak ne’e hato’o husi Treinador Selesaun nasionál U23 Fabio Marcial ba jornalista sira liu husi zoom confercia kuarta (16/02).
“Jogador sira maioria bem perparadu no ami prontu para atu joga kontra Brunei jogu ne’e hanesan jogu perigozu tanba jogu desizivu mós ba ita. Ne’e duni tarjetu husi Treinador nian mak tenke manán Brunei hodi nune’e bele iha esperansa boot para bele hakat ba jogu tuir mai” tenik nia
Kona-ba jogador na’in 4 ne’ebé mak pozetivu dadaun ne’e sira tenta hla atu halo teste PCR ohin loron no karik sira na’in 4 negativu entaun ita iha posibilidade para atu sita la izola ona no bele hamutuk ho ekipa
Kona-ba jogador sira nia kondisaun fiziku sira hotu hotu ho kondisaun di’ak, no sira kontinua halo treinamentu nafatin
Sira mós la’ós jogador foun maibé sira ne’e loron loron sempre treinu hamutuk, hare husi kondisaun jerál ne’e ami perparadu, karik sira na’in 4 ne’e mak ohin negativu ba jogu aban sira bele joga, ha’u fiar katak Paulo Gally ohin negativu, jogu aban Galy bele joga iha 45 minutu
Kona-ba score atu manán hira ne’e ita la bele dehan maibé espetativa ne’ebé mak ohin mensiona katak jogu ne’e jogu perigozu, jogu desizivu ba Timor-Leste ne’e duni Treinador iha tarjetu tenke manán, tanba depois de sira empata ho Filipina sira iha konfidensia sira iha fiar aan ne’ebé mak boot no iha esperansa boot atu manán jogu kontra Brunei
Jogador na’in 4 ne’ebé mak pozetivu Covid-19 ne’e mak Nelson, Gumario, Nobel, Gali no inklui ofisiál Julio
Enteretantu antes ne’e Timor Leste empata ho score 2-2 kontra Filipina iha jogu dahuluk ho nune’e Timor Leste oras ne’e okupa iha terseiru klasifikasaun provizoriu husi joga dala 1 enkuantu primeiru klasifikasaun okupa husi Cambodia ho pontus 3, enkuantu Brunei Darusalam ne’ebé mak atu hasoru Timor Leste iha jogu aban ne’e daudaun ne’e okupa iha 3 klasifikasaun ho pontus 1 husi jogu dala ida sofre derota
CharllY Junior
