DILI – Prezidente Konfedersaun Desportu Timor Leste, Macario Sanches, enkoraja kada Federasaun tenke fera ulun para bele hetan kondisaun di’ak hodi prepara Atleta sira diak liu tan.
Prezidente CDTL Macario Sanches hato’o asuntu ne’e hafoin hala’o vizita no observa direita Federasaun Natasaun Timor-Leste (FNTL), nia preparasaun iha Golgota Hotel Rai kotu Dili kuarta (16/02).
Iha Timor – Leste, area Desportu sei iha dezenvolvimentu nia laran, sei iha buat barak mak presija hadia, liu-liu iha kondisaun no fasilidade ba treinu no preparasaun nian. Tanba ne’e, CDTL liuhosi Prezidente Sr. Macario enkoraja Federasaun ida-idak atu bele Fera Ulun hodi hetan kondisaun Diak para bele prepara Atleta Sira ho Diak Liu.
“Kondisaun fasilidada ne’e mak Federasaun tenke fera ulun para atu hetan kondisaun di’ak, para sira bele hetan sira-nia formasaun loloron” dehan Prezidente CDTL.
Macario afirma, Tanba ne’e mak Federsaun ho nia esforsu aluga hela fatin ne’e para sira mai. Espera katak ho kondisaun minimu la iha treinador ida ke iha esperiénsia para atu fó treinu bá atleta sira maibé ho esforsu ne’ebé mak iha bele fó prova ba sira no ba governu katak naturalmemte sira orgulu para atu reprezenta Timor-Leste iha Sea Games.
Iha fatin hanesan, Prezidente FNTL Laurentinho Guterres, agradese ba CDTL ni-nia vontade atu bele hare besik kondisaun ne’ebe Atleta Sira enfrenta durante preparasaun.
“Ami hakarak Agradese ba CDTL tanba bele halo vizita ida ne’e, mai iha preparasaun atleta Natasaun nian, para sira bele hare hatene no kona-ba kondisaun real ne’ebé mak ita nia atleta sira enfrenta” tenik nia
“Hanesan ohin ita haree prezidente haree fatin ne’e nia rasik fó ona hanoin ami hanoin katak ba oinsá mak ita bele melhora liu tan formasaun para ba oin bele prepara ita nia atleta di’ak liu tan” nia hakotu.
Nune’e mós, Atleta Federsaun Natasaun Imelda Felcitas Ximenes Belo, espresa sentimentu kontente tanba bele hetan vizita espesial husi CDTL
“Enome Federsaun Natasaun. Ami sente kontente tebetebes tanba hetan vizita espesial husi parte CDTL nia liuliu prezidente CDTL rasik” dehan Imelda.
Enkuantu Federsaun Natasaun Timor-Leste perpara ona atleta na’in 3 atu reprezenta Timor-Leste iha Sea Games Hanoi Vietname , atleta na’in 3 ne’e mak Imelda Felcytas Ximenes Belo, Jolanio Guterres no José Joao Viegas da Silva.
Enteretantu ho vizita ba Federsaun Natasaun Timor-Leste ne’e mak konklui ona vizita ba Modalidade 8 ne’ebé mak iha ona prosesu preparasaun para atu ba kompete iha Sea Games 2022 nian.
Modalidade 8 ne’ebé mak atu aranka ba Sea Games Ha noi Vietnam iha fulan Maiu ne’e mak Body Building, Natasaun, Taekwondo, Futebool, Karate-do, Boxing, Atletismu, Fahkuptil.
CharllY Junior
