spot_imgspot_imgspot_imgspot_img
spot_imgspot_imgspot_imgspot_img
More

    CDTL konsege identifika potensia no difikuldade iha preparasaun FHACUPTIL

    DILI – Confederação Desporto Timor-Leste (CDTL) sigla portugés kontinua observa atleta  modalidade hit besi no body building husi Federação Halterofilismo Cultura Fisico e Peso Timor-Leste (FHACUPTIL) hodi hare’e besik no identifka potensia no difikuldade iha fatin preparasaun.

    Observasaun ne’ebé hala’o iha GMT Díli konsege identifika problema balun relasiona ho kondisaun fatin treinu ne’ebé nakonu ho sirkulasaun rai rahun, nune’e bele afeta ba saude atleta sira nian. Tanbá ne’e, tuir Prezidente CDTL katak parte federasaun dau-daun ne’e hetan ona fatin alternativa atu bele halo preparasaun diak liu tan.

    kondisaun lubuk ida mak ita nota, iha ne’eba, fatin ne’ebe sira treinu iha fasilidade, maibe, ladun seguru tanba rai rahun makaas ne’ebe ita preokupa oituan bele afeta ba sira nia saude  ho ida ne’e mak ita preokupa maibe prezidente federasaun dehan ona katak sira hetan ona fatin disponivel sira treinu” Prezidente CDTL Macario F. Sanches ba jornalista  iha fatin preparasaun GMT Caicoli, Dili Kuarta (16/02).

    Ho frakeja oin-oin ne’ebé desportu Timor Leste enfrenta, maka CDTL tenta atu fo asistensia saude ba atleta sira husi kada federasaun mak daudaun ne’e hala’o hela preparasaun hodi compete iha sea games.

    Nune’e mos ita lori ita nia mediku para halo teste ba atleta sira nia saude no ami halo ona kalendariu semana kada modalidade sei lori atleta nain rua ba hasai ran” Macario dehan

    Ho kondisaun hirak ne’ebé CDTL konsege nota iha kada federasaun, inklui FHACUPTIL, maka Prezidente informa ona ba parte Federasaun katak iha futuru sei lori parte Governu atu vizita ba fatin preparasaun.

    informa ona ba federasaun  katak vizita tuir mai sei lori mos governu liu husi SEJD tanba ne’e ita tenki kria kondisaun para atleta bele hatudu sira nia kapasidade  ba governu no iha orgullu duni katak sira prontu atu bele partisipa eventu ne’e” Macario hateten

    Iha sorin seluk, parte FHACUPTIL liuhosi Prezidente hateten vizita refere importante tebes, tanbá bele motiva no hasae atleta sira nia esperitu.

    Ami sente parte ida importante tanba ba dahuluk prezidente foun CDTL inisitiva bele  vizita ami nia atleta sira,  bele motiva liu tan ateleta sira no bele fo espiritu foun ba atleta sira, tanba ami atleta sira  sente katak iha atensaun ona” Vicente hateten

    “Prezensa ho mediku ne’ebe konfedersaun  lori mai federasaun ba atleta sira ne’ebe partisipa Sea Games, ami sente importante tanba atleta sira keta hetan difikuldade iha saude bele konsulta ho mediku  ne’e” Vicente hatutan

    Enkuantu, fatin hanesan, atleta husi modalidade Body Building sente kontente ho prezensa mediku nian, tanb’a sira bele hatene sira-nia kondisaun saude molok aranka ba Vietnam.

     “Hanesan atleta sente kontente prezensa CDTL ho mediku ami bele hatene ami nia kondisaun molok atu ba Vietnam no preparasaun lao diak, ami sempre halo ezersisiu loron-loron ba ami nia preparasaun,  sempre esforsu kompleta ami nia hahan”

    Iha Sea Games tinan ne’e, FHACUPTIL sei lori modalidade rua hit besi ho atleta ida no body building ho atleta tolu, mak sei ba iha Sea Games 2022 iha Hanoi, Vietnam iha fulan maiu tinan ne’e.

    ADS

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img