DILI-Confederaçao Desporto Timor-Leste (CDTL) sigla portuges sai mediador hodi rezolve problema ne’ebe Federasaun Taekwondo Timor-Leste (FTTL) no Asosiasaun Profisional Taekwondo Timor-Leste (APTTL) enfrenta iha tinan 2020.
Federasaun Taekwondo daudaun ne’e iha hela problema, relasiona ho versaun Federasaun no Asosiasaun, iha ne’ebe problema refere halo dojan Sira Mak hamahan iha APTTL labele hetan opurtunidade atu selesionadu ba ekipa Nasional. tanba ne’e, CDTL tenta atu sai mediador hodi bele buka lisuk solusaun ba problema ne’ebe Atleta enfrenta.
“ami iha opsaun ba sira, karik dojan ka klube Taekwondo sira ne’ebe mak daudaun ne’e iha APTTL nia mahon hakbesik mai federasaun hodi nune’e sira ne’ebe mak treinu iha ne’eba, bele hola parte iha prosesu hirak ne’ebe mak liga ho selesaun nasional” vise-prezidente CDTL Zeferino V. Tilman ba jornalista sira iha edifisiu CDTL Caicoli, Dili kinta (17/02).
“karik sira bele halo asembleia extraordinariu no iha sira nia asembleia jeral nian, hodi bele ajusta estatutu ne’e, hafoin mak sira enkaixa APTTL iha sira nia estatutu para bele rekonese ezistensia APTTL iha FTTL” Zeferino hatutan.
Vise-prezidente hatutan, sira hakarak sai mediador tanba nu’udar mahon federasaun sira hotu ne’ebe halo ona tipu enkotru ho sira ketak- ketak iha tempu hirak ba kotuk hafoin ida ne’e hahun mos ba informasaun ne’ebe mak sira simu ona organiza sorumutu ida ohin hodi envolve sira para rezovelve sira nia probema ne’ebe durante sira enfrenta hela maibe ohin iha dezentendimentu iha enkontru maibe ne’e normal no biban tuir CDTL fo tempu sira bele buka malu tur hamutuk depois ho intensaun diak ruma mai iha CDTL para halo desizaun final iha CDTL ba problema ne’ebe sira enfrenta hela.
Husi enkontru refere, pozisaun Federasaun nian, tuir Prezidente FTTL konsidera nafatin powder husi estatutu no rejimentu, nune’e loke dalan ba APTTL hodi Lao hamutuk atu dezenvolve taekwondo iha Timor Leste.
“CDTL iha insiativa para bolu ami mai tuur hamutuk para buka solusaun atu rezolve situasaun ne’ebe Taekwondo enfrenta hela, tanba ne’e husi federasaun mantein pozisaun nafatin, katak tuir estatutu no rejimentu federasaun nian ne’ebe husi dojan ka klube parte APTTL la’o nafatin atividade karik hakarak mai hamutuk ho federasaun, ami loke liman no ami sei konsidera nafatin para atu simu sira iha federasaun nia okos no tau prioridade para atleta sira partisipa eventu internasional tuir mai” Gabriel hateten
prezidente informa, ohin sorumutu ne’e federasaun ne’e ida deit, atleta se mak reprezenta Timor-Leste ba jogu internasional, so husi federasaun tanba ne’e atleta dojan sira iha APTTL submete mai iha federasaun sei konsidera sira hodi prepara sira sai atleta nasional ba eventu internasional no mos iha diskusaun oituan kona ba situasaun sira ne’e no hein katak ideia ka rekomendasaun sira mak federasaun fo ne’e sira fila ba uma hanoin no dojan ka klube husi APTTL hakarak mai iha federasaun, iha kualker tempu federasaun hein no nakloke hodi simu sira.
Iha sorin seluk prezidente APTTL Angelo Neves dehan, sorumutu ohin ne’e CDTL ho sira bele hasoru hodi buka solusaun maski federasaun mantein pozisaun katak sira la rekonese APTTL maibe nu’udar membru Taekwondo sira rekonese.
“Ohin sorumutu CDTL bele hasoru malu entre APTTL ho Federasaun maski Federasaun mantein pozisaun katak sira la rekonese APTTL maibe nu’udar membru Taekwondo sira rekonese iha ona solusaun maski seidauk final tanba ne’e ba futuru atleta nian ne’ebe atleta iha APTTL mos iha kapasidade no kunesimentu diak, ne’ebe hetan ona prestasaun ho ida ne’e atleta sira mos iha direitu partisipa eventu internasional sira no ami koalia hotu buat sira ne’e iha sorumutu ne’e” Angelo hateten
problema mak APTTL seidauk ajusta iha estatutu federasaun nian no klube sira ne’e federasaun fo ona suspensaun iha tinan hirak liu ba, dojan no klube sira oinsa atu fila fali mai tanba suspende ona ba tinan lima no federasaun mantein pozisaun katak sira la rekonese APTTL.
ADS
