DILI- Federasaun Desportu Akademiku Timor-Leste (FDA-TL) aprezenta atleta nasional ne’ebe sei partisipa Asian Univrsity Games 2022, ba Sekretariu Estadu Desportu Timor-Leste (SEJD) iha loron 17/02/2022.
Iha Novembru tinan kotuk, FDA-TL realiza Festival Desportu Akadémiku Timor Leste (FESDATIL), nu’udár meius ida atu bele halo selesaun ba atleta sira husi kada universidade atu bele compete iha Asian University Games ne’ebé sei akontese iha tinan ne’e. tanbá ne’e, federasaun aprezenta atleta selesionadu sira ba SEJD.
“Ohin ami sorumutu ho SEJD atu aprezenta atleta sira partisipa AUG, ne’ebe, total atleta tuir planu, aprezenta atleta hamutuk nain-41 ; atleta futebol 19, Taekwondo 6, atletizmu 6, xadres 6 no voleibol prai 4 ho ofisial sira no mos treinador sira no mos atu haree preparasaun atleta sira ba AUG”, Prezidente FDA-TL Zeferino V. Tilman ba jornalista sira iha edifisu SEJD Lecidere, Dili kinta (17/02).
Iha enkontru refere, Tuir Zeferino, parte FDA-TL no SEJD diskute posibilidade hotu – hotu atu atleta selesionadu sir abele prepara masimu hodi partisipa iha eventu refere.
“ho partisipasaun Timor-Leste iha eventu refere, iha ne’ebe ami konsege diskute haree posibilidade hotu-hotu, oinsa mak Timor-Leste nia atleta selesionadu atu partisipa iha eventu ne’e, hodi prepara ho masimu, hodi kompete massimu lori fila rezultadu pozitivu mai Timor- Leste”, Zeferino hatutan.
Prezidente hatutan, preparasaun sei iha posibilidade atu hahu iha sei hahu husi marsu, abril, maiu, no fulan junu sei tama sentru treinamentu atleta sira hamutuk iha fatin to’o aranka ba Tanladia iha loron 21 jullu 2021 no orsamentu ba preparasaun iha ona ne’ebe aprova ho montante 39, 399 USD ne’ebe transfere ona ba konta bankaria maibe seidauk ezekuta sei hein autorizasaun husi SEJD no orsamnetu ba partisipasaun seidauk tanba ohin SEJD hato’o katak halo ezersisiu interna federsaun nian no komunika ba xefi departamentu sira responsabiliza ba atividade ne’e no ikus mai sira sei fo pareser ruma ba SEJD hodi halo desizaun final ba montante final ba partisipasaun nian
Iha fatin hanesan SEJD Abrão Saldanha hateten, sorumutu ho ho federsaun sira mai aprezenta preparasaun atleta ba jogu AUG no governu simu sira aktualizasaun informasaun sira ne’e hotu, sira buka dalan oinsa mak atu lori atleta Timor-Leste ba eventu refere.
“Ohin ami sorumutu ho federasaun desportu akademiku, sira mai aprezenta planu aksaun tinan ida ne’e nian, liuliu ba preparasaun atleta ba jogu AUG no ami simu sira-nia update informasaun sira ne’e hotu ne’ebe sira buka dalan oinsa mak atu lori atleta Timor-Leste ba eventu refere” Nia hateten
Abrão hatutan, Ohin informa mos ba sira katak orsamentu foin lalais propoin duni ba ministeriu finansa ne’ebe iha orsamentu balun ne’ebe mak bele ajuda maibe presiza halo ezesisiu interna entre federasaun ho governu, federasaun lori ona nia proposta mai, partisipasaun deit sira husu 280,000 USD maibe husi federasaun no ekipa tekniku SEJD sei rasionaliza fali kustu sira ne’e tanba atleta sira ne’ebe atu ba partisipa eventu ne’e maioria mos mai husi atleta nasional ne’ebe ba partisipa Sea Games entaun sira nia preparasaun agora la’o hela sira sei joga iha maiu no sei ba partisipa AUG iha jullu tanba imposivel ema ida deit atu halo preparasaun rua dala ida
Atleta sira ne’ebe partisipa mak estudante husi universidade 18 iha Timor-Leste ne’ebe selesionadu ba modilidade lima, Atletizmu, Taekwondo, Xadres, Voleibol praia no futebol.
ADS
