DILI – Federsaun Futebool Timor-Leste (FFTL), sei la tau Kestaun ba golu husi Yohanes Gusmao nian ne’ebé mak arbitu Ngo Dui Lan husi Vietnam konsidera la golu, wainhira Timor-Leste kontra Brunei Darusalam.
Relasiona ho jogu entre Timor Leste sub-23 kontra Brunei Darusalam ne’ebé mak hala’o iha Morodok Techo National Stadium kinta (17/02). Ne’e maske ekipa nasionál Lafaek nurak manán ho score 3-1. Maibé iha golu ida husi Yohanes Gusmao nian iha segunda parte no arbitu ignora la haree ho nune’e, golu ne’e la sura, ida ne’e halo públiku kestiona makas no lamanta ho desizaun husi arbitu nian ne’e,
Hatan ba perkupasaun husi públiku nian kona-bá anulasaun golu husi Yohanes Gusmao nian, adejuntu sekretáriu jerál FFTL, Federico Martins, informa, Federsaun Futebool Timor-Leste, konsidera ne’e erru husi arbitu nian, ne’eb’e baibain akontese iha eventu futeból.
“Ne’e ita konsidera hanesan erru husi arbitu nian, ne’e la’ós akontese de’it iha jogu sira hanesan ne’e, maibé iha mós jogu Internsional sira seluk, liuliu iha kopa mundiál wainhira England ho Alemaña mós Lamapard nia golu ho modelu hanesan horkalan maibé la konsege golu i foin lalais mós portugal ho serbisu kualifikasaun Kopa mundiál golu Ronaldo nian golu line ka marka golu nian la konsidera mós golu, ne’e ita konsidera hanesan erru husi arbitu nian” tenik Federico Martins ba JHD iha nia knaar fatin FFTL Formoza Dili sexta (18/01).
Nia explika, desizaun hanesan regula ne’e, regulamentu komunikasaun mak hatete, desizaun husi arbitu nian ne’e seim intervensaun husi parte hotu-hotu nian
“Ita atu halo karta ba mós fó todan ba arbitu de’it, maibé sei la muda rezultadu ba 4-1, ne’ebé ita muda pozisaun hanesan ne’e nafatin de’it. horkalan ami mós halo komunikasaun verbalmente ho kordenador arbitu ba AFF jogu Sub-23 nian Rojali hatete katak depois mak sira sei halo internal review kona-ba ida ne’e” informa nia.
Tuir nia, Ne’e desvantagen boot mai Timor Leste tanba tuir loloos Timor tenke manán ho score boot para asegura aan, karik iha jogu ikus mak buat ruma akontese iha ne’eba karik Timor bele asegura sira nia pozisaun.
Nia dehan, Ne’e FIFA konsidera jogu bonitu ka beautiful game ne’e dalaruma tenke tama mós ho kontroversi hanesan ne’e
“Ne’ebé husi parte Federasaun nian ami nia pozisaun ami sei la hato’o karta ba komisaun organizadora Kona-ba ida ne’e, karik ita impata ka ita lakon, karik ita bele hato’o netik ba buat ne’e mós akontese bebeik ona ita mak haruka karta ba mós sei la muda rezultadu maibé, nia prezuizu ne’e afeta ba fali arbitu” tenik nia
“Ita hein to’ok asesor arbitrajen nian mai hanusa mak ita foti pasu tuir fali mai” nia hakotu
Entertantu Golu vitoria husi Timor Leste nian produs husi Mouzinho De Lima iha minutu 30, no Paulo Gally 45, no auto golu husi Mohammad Hakeme iha minutu 17.
CharllY Junior
