Dili – Prezidente Asosiasaun Dili Oeste, Ipolito Soares, ne’ebé mak hanesan ekipa Susesu ba Kandidatu Francisco Kalbuadi Lay, informa, aban Francisco Kalbuadi Lay sei to’o iha Timor atu hola parte iha Kongresu Federsaun Futebool Timor-Leste FFTL ba dala VII ne’ebé mak sei hala’o iha loron 26 fulan ne’e .
“Pakote tolu ne’e kandidatu mesak potensial de’it depende sira nia programa iha kongresu ne’e i ha’u hanoin katak maun Kalbuadi iha Kongresu ne’e nia sei iha ne’ebá bainhira mak mai ne’e ha’u labele fó data mais iha Kongresu 26 ne’e maun Kalbuadi hola parte mós iha laran para atu tuir kongresu ida ne’e” Dehan Prezidente Emmanuel Fc, Aleixo do Carvarinho Monteiro ba jornalista sira iha Sede Assalam Fc Kampung Alor Dili, tersa (22/02).
Nia informa, baibain nia hato’o ona ba públiku, katak adversariu ne’e iha Kongresu de’it maibé liu tiha ida ne’e ita amigu Futebool tanba ne’e nia haktuir, hanesan portavoz Kalbuadi optimista sei manán iha Kongresu ida ne’e
“Hanesan ekipa susesu ha’u optimista katak ha’u nia ekipa bele gainha iha lídera prezidente FFTL” dehan Aleixo ho fiar aan.
Iha Fatin hanesan, prezidente Dili Oeste, Ipolito Soares Salienta katak Nu’udar ekipa susesu garante katak Kalbuadi sei manán tanba sira iha 12 votantes husi asosiasaun hamutuk 8, depois arbitrjen, Treinador, Liga Feto, no Kampeaun segunda divizaun Emanuel Fc, ne’e metin ne’e mak sira garante sira mak sei manán iha Kongresu FFTL ba dala VII ne’e
ami nu’udar husi Kalbuadi nian konserteza ami ekipa susesu ne’e signifika, tenke susesu duni i antes to’o kongresu klaru katak parese aban ne’e Kalbuadi to’o Timor ona depois ami halo enkotru para ami hametin tan ami nia ekipa ne’e para fasil liu tan iha Kongresu sabadu ne’e” Dehan Ipolito
“Ami iha meius no ami fiar katak Kalbuadi sei to’o aban ka bain rua, maibé karik Maromak nia planu oin seluk, ami mós sei iha alternativu seluk ne’ebé mak ami sei hato’o fali ami nia kandidatu foun maibé ne’e alternativu mais aban Kalbuadi aban sei to’o iha ne’e” nia hakotu.
Enteretantu Kongresu ba dala 7 ne’e sei hala’o iha loron 26 fulan fevereiru tinan ho kandidatura hamutuk na’in tolu mak hanesan Atual prezidente Federsaun Futebool Timor Leste (FFTL), Francisco Jerónimo, atual Vise Prezidente Asian Football Federation (AFF) Francisco Kalbuadi Lay, No atual prezidente Liga Futebool Timor-Leste (LFTL) Nilton Telmo Gusmao Santos
CharllY Junior
