Dili – Federsaun Futebool Timor-Leste sei realiza kongresu nasionál ba dala VII iha loron 26 fulan Fevereiru tinan, hodi hili prezidente FFTL ba tinan haat mai ho núne’e prezidente Asosiasaun Futebool Ermera Lomelino Salsinha, deklara, nia parte sei fó votu Konfiansa dala ida tan ba atual prezidente Federasaun Futebool Timor-Leste FFTL Francisco Jerónimo atu lídera tan Futebool ne’e ba períodu 2022-2026.
Dadaun ne’e kandidatura na’in 3 mak avansa ona atu bele lídera Federasaun Futebool Timor-Leste (FFTL) ba períodu 2022-2026, kandidatura na’in 3 ne’e mak Atuál prezidente Federsaun Futebool Timor-Leste, (FFTL), Francisco Jerónimo, no atual Vise Prezidente Asian Football Federation (AFF) Francisco Kalbuadi Lay, No atual prezidente Liga Futebool Timor-Leste (LFTL) Nilton Telmo Gusmao Santos.
Tuir Prezidente Asosiasaun Futebool Ermera Lomelino Salsinha, kandidatu Francisco Kalbuadi Lay, ne’e iha esperiénsia barak kona-ba Futebool no Nilton Gusmao esperiénsia barak liuliu kona-ba Liga Futebool no mós kandidatura Francisco Jerónimo ema ne’ebé mak iha mós konesementu kona-ba Futebool i ema ne’ebé mak iha vontade sakrifisiu ho ninia apoiu tomak atu aselera dezenvolvimentu Futebool iha Timor Leste.
Prezidente Asosiasaun ne’e relata, iha ikus ikus ne’e Futebool hahú iha ona mudansa, husi rai laran no mós mudansa iha internasionál
“Ita nia ekipa nasionál mós agora tama ona ba Semi Final ne’e ha’u nu’udar Timor oan hanesan orgaun kompete Futebool sente Orgulu no fó parabens ba servisu husi Ekipa tomak husi Federasaun to’o iha Nasionál rasik” tenik Lemelino Salsinha ba JHD via telefone tersa (22/02).
Nai esplika, moto husi Asosiasaun nian katak Desportu ba Munisípiu i bola tenke ba baze ne’e mak sai hanesan importante oinsá mak dezenvolve Futebool ba futuru.
Lemelino haktuir, kandidatu prezidente FFTL na’in 3 ne’e mesak kualifikadu no iha konesementu ba mundu Futebool, maibé la bele haree liu ba esperiénsia maibé oinsá mak dezenvolve Futebool ne’e iha Timor liu liu iha ba Munisipiu sira.
“Tanba ne’e Ami asosiasaun Futebool Ermera sei fó votu Konfiansa dala ida tan ba atual prezidente Federsaun Francisco Jerónimo atu lídera tan Futebool ne’e ba períodu 2022 – 2026” tenkik prezidente Asosiasaun Ermera.
Enteretantu Kongresu ba dala 7 ne’e sei hala’o iha loron 26 fulan fevereiru tinan ho kandidatura hamutuk na’in tolu mak hanesan Atual prezidente Federsaun Futebool Timor Leste (FFTL), Francisco Jerónimo, atual Vise Prezidente Asian Football Federation (AFF) Francisco Kalbuadi Lay, No atual prezidente Liga Futebool Timor-Leste (LFTL) Nilton Telmo Gusmao Santos
CharllY Junior
