DILI-Confederação Desporto Timor-Leste (CDTL) sigla portuges halo avalisaun ba federasaun neen, Atletizmu, Taekwondo, Halterofilizmu, Karate-Do, Boxing no Natasaun ne’ebe mak sei partisipa Sea Games 2022 iha Vietnam hafoin identifika problema 3 durante konfederasaun Nia observasaun ba kada federsaun ni-nia preparasaun.
Depois de hala’o vizita hodi observa besik ba atividade preparasaun atleta Federasaun 6 nian, CDTL konsege identifika problema balun. Ho nune’e, CDTL foti inisiativa hodi bolu Federasaun Sira Nia atensaun relasiona ho problema hirak ne’e.
“Ohin CDTL bolu federasaun sira ne’ebe atu partisipa Sea Games, para atu halo avaliasaun dahuluk ba preparasaun atleta sira nian, tanba ne’e ohin ami informa ba sira katak depois CDTL ho ekipa vizita sira nia fatin treinamentu no haree atleta sira, ami indentifika iha problema kona-ba fatin treinamentu, atleta sira nia saude, ikus mak atleta sira balun estudante sekundariu no universitariu” Prezidente CDTL Macario F. Sanches ba jornalista sira iha edifisiu CDTL Caicoli, Dili tersa (22/02)
Entretantu hatan ba problema sira ne’e, konfederasaun prepara daudaun dalan atu bele resolve kestaun hirak ne’e, liuhosi prepara Fatin dignu ba treinamentu, prepara doutor nomos prepara komunikasaun ho instituisaun edukasaun ne’ebe Atleta Sira hala’o estudu.
“Problema ba fatin ami halo kedas aprosimasaun ba SEJD ne’ebe ba atleta sira husi modalidade Taekwondo, boxing ho Karate-Do, ami buka kedas fatin mak GMT ne’ebe disponivel ba sira halo preparasaun” Nia hatutan
Antes ne’e, iha periodu vizita CDTL prepara ona mediku Sira, nune’e sei bele akonpanha Atleta Sira bainhira presija.
“Problema ba saude ami iha tiha ona mediku karik atleta sira hetan sintoma ruma sira bele fo hatene ami para kontaktu dotor halo kedas asaun hodi kosulta atleta sira ne’ebe iha sintoma moras” tenik Nia
Enkuantu kona-ba Atleta ne’ebe sei ativu iha estudu, CDTL komunika ona Federasaun ida-idak atu hatama lista hodi bele husu disponinilidade eskola ida-idak atu husik Atleta Sira ne’e foku ba prepasaun
“Atleta sira balun estudante sekundariu no universitariu ne’e ami informa ba federasaun sira hatama atleta sira nia naran hotu para CDTL bele manda karta ba ensinu superior no sekundariu, para eskola sira ne’e para bele fo autorizasaun sira bele folga oituan asesu ba eskola no fasilidade balun bainhira iha prosesu preparasaun ne’ebe” Nia hateten
Prezidente hatutan, Orsamentu fulan tolu ba preparasaun nian entrega hotu ona ba federasaun sira maibe hela orsamentu fulan ida nian ne’ebe rezerva hela ba iha konsentrsaun federasaun sira hotu iha fatin ida durante fulan antes sira aranka ba Vietnam hodi partisipa eventu ne’e ne’ebe sei hahu husi loron 8 fulan abril ate inisiu fulan maiu.
Observasaun iha fasilidade ba preparasaun ba modalidade hotu iha kondisaun diak tanba federasaun sira iha esperensia ona kompente iha nivel as iha kompetisaun pasadu ne’ebe preparasaun lao diak so iha fatin ba treinamentu mak ladun diak.
ADS
