DILI – Klubu primeiru Divizaun Liga Futebool Timor Leste (LFTL), Assalam Fc, sei rekruta jogador estranjeiru nain 4 husi nasaun vizinu, Indonézia hodi reforsa Assalam Fc iha epoka 2022.
Liga Futebool Timor Leste (LFTL) iha epoka 2022 ne’e sei hala’o kompetisaun naruk ka full competition ho klubu hamutuk 10, tanba ne’e aproveita janela transferensia epoka 2021, maka Assalam hahu rekruta jogador estrangeiru nain 4.
Tuir Prezidente Assalam Fc, Ipolito Soares, hatete, iha Jogu ne’e primeiru divizaun Assalam FC iha prinsipiu prepara aan nafatin, agora daudaun jogador 50%
“Assalam perparadu nafatin agora dadaun jogador 50% preparadu no selesaun nasional iha na’in-4, husi indonesia ha’u rekruta tan jogador na’in-4 “, dehan Ipolito Soares ba jornalista sira iha sede Assalam Fc kampung Alor, Dili tersa (22/02).
Ipolito hatete, Kona-ba jogador na’in-4 ne’ebe mak atu rekruta husi nasaun vizinu Indonesia agora sira prepara hela iha Indonézia, bainhira liga atu hahú mak sira mai Timor-leste.
Nia dehan, bainhira orgaun liga futebol Timor-leste kontinua fali futebolista ba epoka tinan ida ne’e, Assalam FC prontu nafatin atu kompletu.
Prezidente Assalam FC ne’e hatete, orgaun liga hahu loke ona janela transferensia ba klubu sira, daudaun ne’e Assalam fihir hela jogador balun husi jogu komunitariu, balun husi segundu divizaun atu reforsa ekipa assalam.
Nia informa, uluk Jogador Ganna ne’e nafatin no na’in-3 mak sei mai husi indonesia atu suporta ekipa Assalam iha primeiru divizaun ba epoka tinan ida ne’e.
“kona-ba ami nia jogador na’in 4 ne’ebe agora daudaun joga iha selesaun nasional ne’e sira nafatin iha assalam“,
Nia dehan, “jogador na’in-4 ne’e nia seidauk hatete loloos durante ne’e sira kompete iha ne’ebé, maibe jogador ho naran Riky Permana ne’e nia kompete ona iha epoka liuba no sei amenta tan avansadu rua husi indonesia“.
CharllY Junior
