DILI-Klube Boavista clube de Timor no Sporting Clube de Timor degrada ba divizaun daruak no datoluk Liga Timorense epoka 2022, hafoin la partisipa iha Liga Timorense divizaun dahuluk no daruak epoka 2021.
Klubu Rua refere la konsege partisipa iha Liga Timorense epoka 2021, Tamba ne’e, Klubu hirak ne’e sei degrada ba divizaun daruak no datoluk tuir regulamentu interna LFTL nian.
“Boasvista Clube de Timor otomatikamente degrada ba iha divizaun daruak no Sporting Clube de Timor otomatikamente degrada ba divizaun datoluk tanba sira la konsege partisipa iha divizaun dahuluk Liga Timorense no daruak epoka 2021” diretor verifikasaun lisensa José Carvalho ba jornalista sira iha nia knaar fatin Bairro Formosa, Dili segunda (21/02).
“asuntu ida ne’e sita ona iha regulamentu interna liga nian iha artigu 49 ho 61 ne’ebe sei la diskute tan, ami nia regulamnetu klaru ona” Nia hatutan
Enkuantu, desijaun ne’e sei labele muda tuir hakarak. Se iha parte ruma Mak la satisfas maka Sira bele Karta ba parte juridisional Liga nian. Kuandu, kontinua la satisfas maka bele hasae Tan ba nivel Federasaun no bele Liu ba Orgaun Juridisional Azia Pasifiku nian ne’ebe hamahan an iha AFC no FIFA.
Tinan ida ne’e Boavista Clube de Timor sei kompete iha divizaun daruak Liga Timorense epoka 2022 ne’ebe klube hamutuk sia no Sporting Clube Timor tenki kompete fila fali iha divizaun datoluk husi asosiasaun ne’ebe nia hamahan an ba par abele hetan fali oportunidade tama fali ba divizaun daruak iha epoka oin mai.
ADS
