DILI-Orgaun Liga Futebol Timor-Leste (LFTL) sei realiza Liga Timorense ba divizaun dahuluk no daruak durante fulan abril to’o fulan novembru.
Liga Futebol Timor Leste prepara tiha ona Kalendariu ba Liga Timorense epoka 2022 ne’ebe sei akontese ho full Kompetisaun. Hahu husi Fulan Abril no Remata iha Novembru.
“ami sei hala’o divizaun dahuluk no daruak Liga Timorense epoka 2022 ne’ebe orariu ba jogu tuir kalendariu sei komesa husi 21 fulan abril remata iha fulan novembru né’ebe sei lao ho full kompetisaun tuir tempu normal hanesan tinan hirak liu” diretor verifikasaun lisensa LFTL José Carvalho ba jornalista sira iha nia knaar fatin Bairro Formosa, Dili segunda (21/02)
José dehan kalendariu liga ida ne’e fiar katak la fo impaktu ba klube sira maski tinan Ida ne’e jogador Timor-Leste tuir jogu internasional maibe diresaun kompetisaun LFTL antes halo orariu konfirma ona ho federasaun.
“Kalendariu liga nian tinan ne’e, ami fiar katak sei la fo impaktu ba klube sira maski tinan ne’e jogador sira sei reprezenta Timor-Leste tuir Jogu internasional, maibe antes ami halo orariu jogu nian, ami nia diresaun kompetisaun hare’e tiha ona situasaun sira ne’e hotu no konfirma tiha ona ho federasaun ” José hateten
José hatutan, “divizaun datoluk possibilidade sei hala’o mos iha tinan ne’e maibe nia mekanismu ba divizaun datoluk sei prosesu nia laran tentativa né’ebe mak halo ona entre fulan agostu no novembru, ida ne’e komitmentu orgaun liga nian anunsiu ba klube sira no publiku atu hatene informasaun ne’e”
ADS
