DILI— Klube superior Primeira Divizaun Lalenok United halo ona kontaktu ho jogador estrajeiru nain tolu husi nasaun Ghana atu reforsa Lalenok United hodi kompnete iha Liga Timorense iha tinan ne’e.
Kampeaun Liga Futebool Amadora (LFA) Kampeaun Tasa 12 de Novembru, Super Tasa no Kampeaun Kopa FFTL 2020 ne’e hahú ho ambisaun hodi buka jogador estranjeiru hodi reforsa klubu refere.
Ba jornalista sira Treinador Lalenok United Fc Gaspar Amaral hatete, sira iha ambisaun hakarak kompete diak iha primeira divizaun epoka 2022 Liga Futeból Timor-Leste (LFTL) nune’e sira kontaktu ona jogadór estranjeiru na’in-3 husi Ganha atu bele haforsa klube iha époka tinan ida ne’e.
“Ami kontaktu ona jogadór estranjeiru na’in-3 husi Ghana atu mai haforsa tan ami nia ekipa ba époka tinan ida ne’e, ami horisehik halo ona karta invitasaun ba sira maibé konforme karik sira aseita sira bele mai reforsa ekipa no sira dehan ba ami sei mai tuir selesaun karik sira di’ak mak ami bele foti sira”, informa Gaspar Amaral iha nia knaar fatin SEJD Lesidere, Dili segunda (08/03).
Treinador ne’e haktuir, dadaun ne’e sira rejistu jogadór lokál na’in-18, maibé sira nafatin buka tan hodi kompleta tuir tarjeitu ne’ebé prezidente lalenok nia hakarak tenke to’o jogadór 24 maibé Treinador ne’e hakarak aumenta to’o 27 tanba tinan ne’e liga sei naruk.
Nia relata, tinan ne’e sira mai ho ekipa ne’ebé di’ak atu bele anima adeptu sira liuliu ekipa lalenok nian no daudaun ne’e sira mós kontratu ona ho jogadór lokál balun, maibé to’o agora labele publika sai ba públiku ne’ebe hein deit prosesu final mak sira bele publika.
Gaspar esplika, kona-ba preparasaun ne’e depende oráriu husi órgaun liga, maski sira fó sai ona dehan fulan oin maibe ne’e foin tentativa bele iha mudansa ne’ebe sira seidauk halo preparasaun, sira tauk selu jogadór saugati de’it tanba treinu ona salariu jogador mos la’o ona.
kona-ba preparasaun ne’e depende oráriu husi órgaun liga, maski sira fó sai ona dehan fulan oin maibe ne’e foin tentativa sira bele iha mudansa ne’ebe sira seidauk halo preparasaun, sira tauk selu jogadór saugati de’it tanba treinu ona salariu jogador mos la’o ona dehan nia.
ADS
