DILI- Konfederasaun Desporto Timor-Leste (CDTL) ho Sekretáriu Estadu Juventude no Desportu (SEJD) observa perparasaun Federsaun Boxing Amadora Timor Leste (FBATL) no Federsaun Natasaun Timor-Leste (FNTL) nian atu partisipa Sea Games iha Hanoi Vietnam Maiu 2022.
“Ohin ami halo vizita supreza ba iha atleta nasionál sira ne’ebe mak prepara hela atu ba Sea Games ne’ebe ohin mai haree modalidade boxing no natasaun atu haree programa ne’ebe preparadu tiha ona sira lao tuir ida ne’e ka lae, tanba ne’e ohin ami mai haree tuir oráriu treinu nian”, Prezidente CDTL Macario F. Sanches ba jornalista iha fatin treinamentu Rai Kotu, Dili tersa (8/03)
Prezidente informa, atleta boxing aumenta treinu dadeer no meudia, no loraik hodi hasae frekuénsia treinamentu nian, atleta sira prepara no apresia ba PNTL, tanba fo fatin treinamentu.
Entretatu federasaun natasaun preparasaun iha mudansa uitoan tanba atleta sira hakarak hatudu prestasaun di’ak iha jogu sea games iha vietname.
Iha sorin seluk diretora alta kompetisaun nasional SEJD Maria Luiza Monteiro hatete, atleta selesaun nasional boxing no natasaun sira nia kondisaun favoravel tebes.
Nia dehan, kona-ba fatin preparasaun nian sufisiente, hodi atleta sira prepara ba kompete iha sea games iha vietname tinan ne’e.
Nia dehan, ohin vizita ba federasaun boxing no natasaun atu haree kondisaun nian no fatin treinamentu ba atleta sira nian.
Diretora hatutan, tempu badak governu servisu hamutuk hodi akompana nafatin sira hahu fase preparasaun to’o atleta arranka ba sea games.
Entretantu prezidente federasaun natasaun Timor-Leste (FNTL), Laurentino Guterres, apresia tebes tanba governu liuhusi SEJD ho CDTL tanab enkoraja no motiva nafatin atleta sira.
“Ami sente kontente tanba hetan vizita supreza husi SEJD ho CDTL, hanesan motivasaun di’ak no mos haree kondisaun husi federasaun durante enfrenta hodi buka solusaun atu ultrapasa difikuldade sira ne’e, atleta husi natasaun la’o di’ak”, tenik nia.
Iha sikun seluk treinador federasaun boxing Timor-Leste, Gil Isaac hatete, kona-ba preparasaun ba atleta sira nafatin halo treinu.
“Hau nu’udar treinadór agradese tanba hetan vizita husi parte SEJD ho CDTL, durante ami treinamentu la’o no koraza nafatin atleta sira depois kontrolu durante preparasaun“, dehan nia.
Enkuantu atleta Federsaun Boxing tinan ne’e iha atleta nian 5 mak sei reprezenta Timor-Leste iha Sea Games Hanoi Vietname no dadaun halo hela treinametu iha polisia akadémika no Federsaun Natasaun mós iha atleta na’in 3 mak sei reprezenta Timor-Leste no dadaun sira halo treinamentu iha hotel golgota hodi ba partisipa iha jogu Sea Games Vietnam iha fulan Maiu tinan ida ne’e.
ADS
