DILI – Klubu segunda divizaun Liga Futsal Timor Leste, Fc Coelho susesu halakon nia ekipa adversariu selesaun nasionál Futsal ho score mihis 3-2 iha jogu try out ne’ebé mak hala’o iha kampu Futsal F-FDTL fatuhada Dili kuarta (09/03).
Iha inisiu jogu ekipa Selesaun nasionál konsege domina bola hodi halo kontra atake ba Fc Coelho iha hodi lansa suta golu rua tuir malu liu husi jogador Agi iha minutu 14 no Vava iha minutu 23 hodi hatuur score ba 2-0.
Maibé antes atu termina jogu Fc Coelho konsege responde golu ida hodi hamihis score ba 2-1 liu husi jogador Aldo ho nune’e to’o termina jogu primeira parte Selesaun nasionál lídera ho score 2-1.
Kontinua ba iha jogu segunda parte Ekipa Fc Coelho susesu fura rede selesaun nasionál nian dala rua tuir malu liu husi jogador Noni no Aldo ho nune’e score muda aan ba 3-2 vitoria ba Fc Coelho.
Enteretantu selesaun nasionál halo try out ne’e ba dala tolu ona antes ne’e selesaun nasionál halao try out dala uluk kontra klubu primeira divizaun Sao Francisco Xavier no selesaun nasionál konsege manán ho score 5-3.
Iha jogu try out ba daruak nian selesaun nasionál kontra Bermeta Fc no selesaun nasionál konsege manán ho score 8-2.
Enkuantu selesaun nasionál Futsal Timor Leste dadaun sei iha hela faze perparasaun atu aranka ba kompete iha jogu AFF Futsal Championsip iha Tailandia Timor Leste rasik iha pool (B) hamutuk ho Vietname Myanmar no Austrália.
CharllY Junior
