Dili – ekipa Selesaun Nasionál Futsal Timor Leste derota kontra klubu segunda divizaun Fc Coelho ho score 3-2 iha jogu try out ne’ebé mak hala’o iha kampu Futsal F-FDTL fatuhada Dili kuarta (09/03).
iha jogu try out ne’e selesaun nasionál Futsal derota ho score 3-2 kontra klubu segunda divizaun Futsal Fc Coelho, ho nune’e hafaoin remata jogu prezidente klubu Fc Coelho Aquimedes Lebre hatete, selesaun nasionál Futsal persija hadia tan
Tuir prezidente Fc Coelho, selesaun nasionál Futsal ba oin persija hadia skiil balu di’ak liu tan husi skiil no fiziku
“Hau nudar Presidenti Coelho Fc senti orguilho ba jogu entre ami nia equipa hasoru National team. Tamba ami konsege manan iha jogu refere, iha parte balun husi jogu entre nacional team konsege halo goal 2 iha premeiro parte,husik goal rua nee halo ami nia jogador senti Garida atu lakoi lakon ponto no hakas an para bele hadia iha jogu parte segundo, no iha parte segundo ho resultado 3 – 2 ami konsege manan jogu iha segunda parte” tenik nia
“Selesaun Nasionál Futsal ba oin persija hadia skiil di’ak liu tan no fiziku di’ak liu tan tanba hanesan ohin ita hare sira fiziku la dun di’ak“
Prezidente klubu Fc Coelho mos hato’o sira nia Obrigado ba treinador Selesaun Nacional no strutura tomak ne’ebé iha comfiansa ba jogu try out ho sira nia ekipa.
Espera katak iha futuru bele iha nafatin jogu try out ho ho equipa nacional atu nune bele hadia ou prepara diak antes ba jogu nivel International.
Iha fain hanesan Treinador selesaun nasionál Futsal Jorge Fernandes, informa, “Ami perkupa ho objetivu jogu atu perpara ekipa ami la perkupa rezultadu jogu, no iha Primeira parte ami ekipa hatudu ona Futsal ida ke pozetivu“
Iha segunda parte iha failansu balu maibé ne’e fas parte prosesu perparasaun tanba ami seidauk aranka tanba ne’e sei perpara atu fo ezebisaun di’ak liu iha Tailandia
Nia esplika, Sira halo rotasaun ba jogador liu husi na’in 4 mak tama hodi buka esperiénsia atu ba kompete iha Tailandia
“kona-ba Derota ha’u la perkupa tanba di’ak liu derota iha amigavel iha uma laran duké ba iha Tailandia ne’ebé ne’e iha prosesu atu hadia” tenik Treinador ne’e
Enteretantu selesaun nasionál halo try out ne’e ba dala tolu ona antes ne’e selesaun nasionál halo uluk try out dala uluk kontra klubu primeira divizaun Sao Francisco Xavier no selesaun nasionál konsege manán ho score 5-3
Iha jogu try out ba daruak nian selesaun nasionál kontra Bermeta Fc no selesaun nasionál konsege manán ho score 8-2
Enkuantu selesaun nasionál Futsal Timor Leste dadaun sei iha hela faze perparasaun atu aranka ba kompete iha jogu AFF Futsal Championsip iha Tailandia Timor Leste rasik iha pool (B) hamutuk ho Vietname Myanmar no Austrália.
CharyllY Junior
