DILiI-Confederação Desporto Timor-Leste (CDTL) sigla portuges hetan aimoruk husi governu Timor-Leste liu husi Serviço Autonomo de Medicamentu e Equipamento de Saude (SAMES, sigla portages) hodi halo tratamentu ba atleta sira nia Saúde durante halo preparasaun ba Sea Games iha Vietnam iha fulan maiu tinan ne’e.
Tanba durante Sira halo vizitasaun identifika atleta balun iha kondisaun moras ho karater ladun boot, ho nune’e konfederasaun husu aimoruk ba SAMES atu atu bele halo kurativu baatleta sira nia saúde durante preparasaun ba Sea Games.
“ami halo ona pedidu ba governu Timor-Leste liu husi SAMES, sira orienta katak iha prosesu balu ne’ebé ita tenki liu prosedura logistika nian, ami halo pedidu ida ba SAMES atraveza husi diresaun Farmasia no sira fornese dunik ai-moruk ba atleta sira, nesesita hodi utiliza para durante preparasaun Sea Games nian” prezidente CDTL Macario F. Sanches ba jornalista sira iha nia knar fatin Caicoli, Dili tersa (8/03)
Prezidente informa, iha pedidu balun sira la konsege fo tanba stock laiha ho ida sira fó deit ai-moruk balun ne’ebé sira senti katak ida ne’e sufisiente ba prepasaun atleta sira durante fulan marsu to’o maio nian, sira tenta nafatin sira nia xefe departamentu médiku no siensia desportiva hodi opsaun sira seluk maibe iha stock ne’e ladun sufisiente iha SAMES entaun sira husu tan fali ba setor privadu sira no hein katak loron hira tuir mai ai-moruk sira ne’e bele utiliza ba sira nia atleta, iha modalidade atletizmu, boxing no karate-Do ho frekuensia treinu ne’e sa’e, entaun sira nia kondisaun ladun prepara atu bele hatan ba treinu fíziku tanba ne’e sira presiza liu ai-moruk ida ne’ebé kose hodi bele rekopera fali sira nia liman ho ain ne’ebe moras, maibe moras ki’ik hanesan me’ar, isin manas, sira bele rekopera ho frekuente treinamentu ne’e no fo obrigadu ba SAMES fornese ona ai- moruk para atleta sira hemu bainhira sira hetan sintoma moras iha preparasaun nia laran.
Iha Sorin Seluk Xefi departamentu saúde siensia desportu CDTL hatete, sira halo relasaun ho ajudu husi SAMES liu husi sentru saúde munisipiu Díli ne’ebe durante sira halo observasaun atleta balun hatudu sintoma moras.
“Ami halo relasaun ho ajudu husi SAMES liu husi sentru saúde munisipiu Díli, ami ba foti ai-moruk hanesan paracetamol, multi vitamin, promethazine, cotrimusação, amoxiline, ibuprofen no ampesita, inklui mos ekipamentu higiene nian mak hanesan handsanitazer, ai-moruk ne’e sira ba foti iha ne’eba sei rai iha ami nia fatin tanba iha momentu ami ba observa iha sira nia fatin treinamentu, ami hetan atleta sira hatudu sintoma entaun fo atendementu ba sira.
Ai-moruk ne’ebe sira CDTL hetan husi SAMES ba preparasaun federasaun taekwondo, atletizmu, karate-do, halterofilizmu, natasaun, boxing no futebol ba Sea Games iha Vietnam mak paracetamol tablet 2000, multivitamin tablet 2000, prometazine tablet 500, contrimoxazole tablet 1000, amoxicillin tablet 1000, ibu profen tablet 2000, antasida tablet 2000, diclofedac sodium tablet 1000, bromhexine syrup 50 no hand sanitizer 48.
ADS
